Filip-ma 4:6 - Bible azumeina

⁶ Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

Filip-ma 4:6 Iomraidhean Croise

1 Amuleina 8:28

Wani Ma didina Alo mana, ang mbud’ï irang kanu, ang hum tchen man nda an azong mangâ nga ni tchenenga, ang hum yi d’a an nga ni yang inid’a mi.

2 Sunda Hamuleinid’a 32:20

Amulâ Ezekiyas ki ma djok vun Alona Isai Amot goroma, a nde tchen Alona ki delezi akulo ala mi ndjunuziya.

Sawal la giled’a 51:15

An mba ni hat zla manga mi suma a tchila yam gatina, suma tchona a mba hulongî gevengû.

Sawal la giled’a 55:17

Wani an nga ni yAlona; Ma didina mi sud’unu.

Sawal la giled’a 55:22

Vunam ma ded’a ni mbulâ, wani kurum krovo nayî ma durâ. Zla mam mba ded’a tugung tang d’igi mbulâ na, wani ti ni d’igi mbigeu d’a fiyak ka pad’at tei kur aziyata na.

Sawal la giled’a 62:8

Sut manda ki subur manda a tcholï nata Alona. Mam nahina d’a ndjununda, ni yi man ma ngeid’a mi.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 16:3

Ang he sun mang nga led’a abo Ma didina. Hina wani, ang mba ndak vun nga hur mangâ.

Sawal la kal teglesa 2:14

Gugu manda, ndak ka nga kaka angra ahinad’id’a, ndak ka nga ngei d’a kä ata yima ligitimid’a, ar an wak iragu, ar an humuk delegu, kayam delek ki djivid’a, irak ki djif heî mi.

Jeremi 32:16

Bugol la an he mbaktum mba gusa mi Baruk Neriya goroma ta d’a, an tchen Ma didina ala:

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Daniel 3:16

Sadrak, Mesak ki Aben-Nego a hulong de mamulâ Nebukanezar ala: Amulâ, ami ndak á hulongông zla d’a de d’a yam zla ndata d’i.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

Matiye 10:19

Wani fata azi mba igi ata yima ka sariyad’id’a, ar agi djib’eregi ala agi mba lagi ni nana d’oze agi mba dagi nana ge d’a d’i, kayam ata yi máma, a mba hagi vama agi mba duma.

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Matiye 6:34

Kayam ndata, ar agi djib’eregi yam ndjivinda d’i, kayam ndjivinda nga ni ki djib’er mata vad’u. Bur ma lara ge pî mi dap pei ni ki ndak mamba.

Matiye 6:8

Agi lagi d’igi azi na d’i, kayam Abugi mi we vama agi minima avok bei agi tchenemu.

Wana ni Zla d’a Djivi d’a Luc mi b’irita 10:41

Wani Salad’a mi hulong dat ala: Marta, Marta, ndak nga kur djib’era, huruk nga hat yam ahlena ngola heî.

Wana ni Zla d’a Djivi d’a Luc mi b’irita 12:22

Jesus mi de mi mam suma hata ala: Kayam ndata, an nga ni dagiya, agi djib’eregi yam ari magid’a tala agi mba tagi ni me d’oze agi mba tchugugi ni me ge d’a d’i?

Wana ni Zla d’a Djivi d’a Luc mi b’irita 12:29

Ar agi halagi vama agi tuma d’oze agi tchuma d’i, ar vunadigagi d’i pat ti.

Wana ni Zla d’a Djivi d’a Luc mi b’irita 18:1

Jesus mi dazi zla d’a d’ogola á had’azi a tchen teteu bei tazi tchuk lus ba.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

1 Korente-na 7:21

Alona mi yang angî kur magomba zu? Ang hat hurung ngi. Wani le lovota nga kang á nde woi kur magom ndata ni, ang nde woyo.

1 Korente-na 7:32

Wani an min ala agi djib’eregi yam ahle suma kur duniyad’ina d’i. Sama ve nga atchad’a d’uo na, mi djib’erî yam ahlena hi Salad’ina á lum tam djivid’a.

2 Korente-na 1:11

Ar agi ndjunumi kur tchen magid’a mi. Hina wani, Alona mba mi hum tchenda hi suma ablaunid’a kamiya. Kayam ndata, suma ablaud’a a mba le mersi mAlona yam djivi d’a mi lat kamid’a.

Efes-sâ 5:20

Ar agi lagi mersi teteu mAbui Alona yam ahlena pet ki simiyê Saleina Jesus Christ mi.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Kolos-sâ 3:15

Ar b’leng nga halasa hi Christ-sa ti kak kurugiya. Ni kayam ndata ba, mi yagi kur hliu ma tuna. Ar agi lagi mersi mAlona mi.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

Kolos-sâ 4:2

Agi aragi bei tchen Alona d’i, agi kagagi ki ndjola, agi lagi mersi mAlona mi.

1 Timote 2:1

Avok ahlena pet, an nga ni gigid’egiya, ar agi tchenegi Alona tchen nda irata ki hud’a yam suma pet. Ar agi lagi mersi mAlona yam suma pet,

1 Timote 5:5

Atcha d’a modono d’a gagazi d’a nga kaka vata, nga d’i tin hurut ni yam Alona, nga d’i tchenem andjege ki faleya.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

1 Pierre 5:7

Agi tchugugi ahle suma a hagi djib’erina pet kamu, kayam mam nga mi ngomogiya.

1 Samuel 1:15

Anne ti hulong dum ala: An gurut nga ni gurud’a d’i, an tche nga süm mbuo mi, an natcha d’a hohoud’a, an mba ni ki djib’er manda avok Ma didina.

1 Samuel 30:6

David mi nga kur yor tad’a ngola, kayam sum mama a nga dala: Ei durizi kahinad’a, ei tchiziya! Kayam suma pet a nga kur hur ma hata, nge nge pî nga mi hat hurum yam grom suma andjofâ ki grom suma aropma. Wani David nga mi fad’enga ni yam Ma didina Alo mama.

1 Samuel 7:12

Samuel mi hle ahinad’a, mi pat aduk Mispa ki Sen, mi yat ala Ebenezer, mi dala: Gak ini Ma didina nga mi ndjuniya.