Filip-ma 4:19 - Bible azumeina

¹⁹ Wani Alo mana mba mi hagi ahle mam suma ndjondjoî suma kal teglesâ yam kid’ak magi d’a yam Jesus Christ-sa.

Filip-ma 4:19 Iomraidhean Croise

Ad’u Tinda 48:15

Jakob mi b’e vunam yam Josef, mi dala: Alo ma abun ngolo Abraham azi kabun Isak a tit blogoma, ar mi b’e vunam yam gro ndazina; nAlo ma nga mi ngomon gak ini na, ar mi b’e vunam kaziya;

2 Samuel 22:7

Kur yor ta manda, an yi Ma didina, an nga ni yi Alo mana. Ata yam ma kaka mi humun delen kur gong mamba, tchi mana mi ndeza humamu.

2 Sunda Hamuleinid’a 18:13

Wani Mise mi hulong dum ala: Ma didina ni Ma bei matna ba na. An i ni de ni vama Alo mana mba mi dandjina.

2 Sunda Hamuleinid’a 31:8

Ezekiyas ki suma nglo suma sunda a mba gol mola hahle ndazinid’a, a le mersi mi Ma didina, a b’e vunazi yam mam suma Israel-lâ.

Nehemi 5:19

An tchen Alona ala: Alo mana, ang djib’er kanu, ang wan hohowon yam ahlena pet suma an lazi yam sum ndazinina.

Nehemi 9:15

Ata yima meid’a tchazina, ang hazi avungô ma ei akulona; ata yima vunazi sona, ang hazi mbiyo ma buzugï aduk ahinad’ina. Ang dazi ala a i hlambas sa ang hle vunang kat á hazizid’a.

Sawal la giled’a 104:24

Ma didina, sun mang nga ang lata ti zul heî; ang lat pet ni ki ned’a, andagad’a ti oî kahle suma ang lazina.

Sawal la giled’a 130:7

Agi Israel-lâ, agi tinigi hurugi yam Ma didina, kayam mam mi sama djivina; ni ma sut suma woi kur ndakina.

Sawal la giled’a 36:8

Alo mana, djivi mang nga kal teglesa ti ngola heî. Suma a ngei tazi nad’u gigingângû.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Daniel 6:22

Gagazi, Alo mana mi sunï malaika mama á duk vun azlona! Mi lan nga vama tcho d’i, kayam an le nga vama tcho avorom mbi, an le nga vama tcho avorong ang nguo mi.

Mise 7:7

An nga ni tin iran yam Ma didina, an nga ni tin hurun yam Alo ma sud’una, Alo mana mba mi humunu.

Malatchi 3:10

An min ala agi mbeyegi ki dima pet kur gong nga ngom ahlena, kayam tena mi kak kur gong man nda kud’ora. Agi kugun an Ma didin ma ad’engên kal petna hina gi, agi mba wagiya, le an malagi nga ir mbiyo ma akulona d’uo, le an hagi nga ahle suma djivina ngola kal kagi d’uo ni, agi mba wagi ko.

Matiye 6:32

Kayam ahle ndazina pet, andjaf suma bei wAlona a nga miniziya. Wani Abugi ma sä akulona mi wala agi nga minigi ahle ndazina mi.

Jean 20:17

Jesus mi dat ala: Ndak don ndi, kayam an djak nga gen Abun biya d’i, wani ndak i gen b’oziyona, ndak dazi ala an nga ni djak gen Abun mala nAbugiya na, gen Alo man mala nAlo magina na mi.

Jean 20:27

Bugola, mi de mi Toma ala: Ang mad’ï tchitchid’angû, golon abonu. Ang mad’ï abongû, kalam ata fefed’enu. Ang kak bei he gagazid’a d’i, wani ang he gagazid’a.

Romê-na 1:8

Avok ahlena pet, an nga ni le mersi mAlo mana ki simiyê Jesus Christ kagi pet, kayam suma kur duniyad’ina pet a nga le glangâsâ yam he gagazi magid’a.

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

Romê-na 8:18

An djib’er ala ndak mei d’a ki tchetchem wanda mba d’i ndjak ki subur ra Alona mba mi tageizi woid’a d’i.

Romê-na 9:23

Ni hina ba, mi min á tak subur mam mba zul heîd’a woi yam ei suma mi wei hohowei suma mi mini avok dei á suburina.

2 Korente-na 12:21

An nga ni le mandarâ ala fata an hulongza adigagid’a, Alo mana mba mi hulongôn yan kä kua avorogiya, an mba ni tchi yam ablau suma a le tchod’a adjeu a ar nga tcho mazid’a ki ndjendjed’a ki mizeuna ki gaulangâ woi d’uo na mi.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Efes-sâ 2:7

Mi le hina á tak suma mam mba ngol la kal papad’a woi avok suma pet ata yima nga mbana, yam djivi mam mba mi ndeizi woi yam Jesus Christ-sa.

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Filip-ma 4:7

Hina wani, b’leng nga halasa hAlona d’a kal yam wad’ud’a peta, mba d’i ngomogi djib’er magid’a ki muzugagi yam Jesus Christ.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

Filemon 1:4

An nga ni le mersi mAlo mana teteu, an nga ni dugud’ong simiyêng kur tchen manda,

1 Pierre 5:1

Ni kayam ndata, an nga ni giget nglo suma gol Toka suma a nga adigagina, an ni ndrazi ma ngolâ mi. An ni ma le glangâsâ yam ndaka hi Christ-sina. An ni ndrazina yam subur ra mba ndat teid’a mi. Wana ni vama an tchenezi kama:

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.