Filip-ma 4:1 - Bible azumeina

¹ Kayam ndata, b’oziyon suma od’a, an nga ni hat hurun ngola á wagiya, kayam agi ni furî manda ki subur manda. Buniyôn suma od’a, ar agi kagagi ngingring kur tit magid’a zlapa ki Salad’a.

Filip-ma 4:1 Iomraidhean Croise

Wana ni mbaktumba hi Job-pa 31:36

an mba ni hlat akulo pepelenu, an mba ni kulubut kan d’igi avavala na mi.

Sawal la giled’a 125:1

Ni sawal la suma a djak Jerusalem á lü vun tilîna a hlata. Suma a deng tazi ata Ma didinina, azi ni d’igi ahina d’a Siyon nda nga d’i giget tuo d’a kaka hina ngingring gak didinda na.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Matiye 10:22

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

Jean 8:31

Kayam ndata, Jesus mi de mi Juif suma a hum gagazid’ina ala: Le agi gagi yagi kä ad’u zla manda ni, gagazi, agi ni man suma hata,

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Sunda hi suma a sunuzinid’a 2:42

A ve tazi ad’enga kur hat ta suma a sunuzina a had’azizid’a, a nga le darigïd’a aduk taziya, a nga mbruk avungôna, a nga tchen Alona mi.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

Galat-na 5:1

Christ mi pad’ei woi kur magomba da’. Kayam ndata, ar agi kagagi ngingring kur pat ndata. Ar agi hulongôgi kur magomba d’uo d’a.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Filip-ma 1:8

Alona mi wala an de ni zla d’a gagazid’a, an nga ni le kagi ki o d’a Jesus Christ mi lat kagid’a.

Filip-ma 2:16

á tagazi zla d’a arid’a woi abua. Le agi nga lagi hina ni, an mba ni subur tan kagi kur bur ma mbad’a hi Christ-sâ, tala ring mana ki sun man nda kaud’a a ba atan nduo d’a.

Filip-ma 2:26

Kayam tam nga d’i lum zlezleû á wagi pet. Wani mi nga mi hat hurum ngola, kayam agi humugi ala tugud’eid’a lumu.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

2 Tasaloni’â 2:15

Kayam ndata, b’oziyomina, ar agi kagagi ngingring kur hat ta ami had’agizid’a ki zla d’a ami dagizid’a ki mbaktum mba ami b’irigizid’a mi.

2 Timote 2:1

Kayam ndata, ang gorona Timote, ar ang sira kur suma d’a zlabei tu ki Jesus Christ-sa.

Hebre-na 10:23

Ei vei tei ad’enga bei gigeta ba yam hur mei ma tin ma ei nga dei woi kama, kayam Alo ma hle vunama ni Ma d’engzengâ.

Hebre-na 3:14

Kayam ndata, le ei vei tei ad’enga yam hur mei ma tin ma avo’â ngingring gak bur ma dabid’a ni, ei ni Jesus ndroma.

Hebre-na 4:14

Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring.

2 Pierre 3:17

Wani agi buniyôn suma od’a, ki tchetchemba, agi wagi ahle ndazina da’. Agi gologi tagi djiviya, ar suma tchona á vid’igi woi kur tchila mazid’a kur tchol magi d’a ngingringa d’i.