Filip-ma 3:5 - Bible azumeina

⁵ A vud’un an le burâ klavandi a ngad’an bayâd’a, an ni gor vuta hi Israel-lîd’a, an nandjafâ hi Benjamin-na, an ni gor vuta hi Hebre-nid’a. Yam zla d’a ngom gata hi Juif-fîd’a, an ni ma Fariziyêna.

Filip-ma 3:5 Iomraidhean Croise

Ad’u Tinda 14:13

Sama ringî avun ayînina, mi mba, mi de zla ndata mi Abram ma Hebre ma nga kaka ad’u agu ma nglona hi Mamre ma Amor-rîna. Mamre azi ki b’oziyoma Eskol ki Aner a ve banad’a ki Abram.

Ad’u Tinda 17:12

Gro andjuvei suma agi mba vud’uzina pet, magumei suma a mba vut avo hatagina d’oze suma agi mba guzuzi ki beged’a abo suma dingîna, ma lara ma nandjavagi d’uo na, agi ngad’azi bayâd’a kur bur ma klavandina kur atchogoi d’a lara ge pet.

Ad’u Tinda 40:15

Azi vanï kur ambas sa Hebre-d’a ni kad’enga; ka hî pî, an le nga vama ndak á gan dangeinina d’i.

Ad’u Tinda 41:12

Wani gor azongâ tu mi nga ki sed’emiya, ni ma Hebre-na, ni magoma hi ma ngolâ hi azigar suma a nga ngomongâ. Ami dum ad’u adï mamid’a, mi ve nge nge pî ad’u adï mamba woyo.

Jonas 1:9

Jonas mi hulong dazi ala: An ni ma Hebre-na, an kud’orî Ma didina Alo ma akulo ma mi le alum ma ngolâ kandagad’ina.

Wana ni Zla d’a Djivi d’a Luc mi b’irita 1:59

Kur bur ma klavandina, a mba á ngat gorâ bayâd’a, a min á tinim simiyêm kabum ala Zakari.

Wana ni Zla d’a Djivi d’a Luc mi b’irita 2:21

Kid’a bur ma klavandina ndaka, a ngat gor máma bayâd’a, a tinim simiyêm ala Jesus, ni simi ma malaikana mi tinimzi avok bei asum vum wirîma.

Wana ni Zla d’a Djivi d’a Luc mi b’irita 5:38

Wani süm ma ayîna a selem mi kur agolongeî suma awilina.

Sunda hi suma a sunuzinid’a 22:3

An ni ma Juif-fâ, a vud’un ni kur Tarsis sa Silisi-d’a. Wani a wulun ni ka hî kur Jerusalem. Gamaliyel ni ma had’an ad’u gata habuyoi ngolo d’a d’ingêra. Tan nga d’i lan zlezleû yam Alona d’igi agi tagi nga d’i lagi zlezleû ini na mi.

Sunda hi suma a sunuzinid’a 23:6

Wani kid’a Paul mi we suma b’ak zlad’a suma dingâ ni Sadusiyêna, suma dingâ ni Fariziyênid’a, mi de ki delem akulo aduk suma b’ak sariyad’a ala: B’oziyona, an ni ma Fariziyêna, gor vuta hi Fariziyênid’a mi. Ni kayam zla d’a tin hurâ ki tchola hi suma matnid’a ba, a yan ini ata yima ka sariyad’a wana.

Sunda hi suma a sunuzinid’a 6:1

Kur bur máma, kid’a suma hata a nga zul kam kua kam kua d’a, Juif suma a nga de vun Gre’îna a nga le yungôra yam Hebre suma Jude-na, kayam azi nga djib’er yam arop mazi suma modonod’a kahle suma azi nga b’rawazi burâ ki burîna d’i.

Romê-na 11:1

An nga ni djop ala: Na ni Alona mi ar sum mama woi zu? Nga na d’i! Kayam an tanda ni ma Israel ma ad’u andjafâ hi Abraham-ma, ma ad’u andjafâ hi Benjamin-na mi.

2 Korente-na 11:22

Azi ni Hebre-na zu? An ni ma Hebre-na mi. Azi ni Israel-lâ zu? An ni ma Israel-lâ mi. Azi nandjafâ hi Abraham-ma zu? An nandjafâ hi Abraham-ma mi.

1 Samuel 4:6

Suma Filistê-na a hum siwel ndata, a dala: Ni siwel la me kur kangâ hi Hebre-nina na ge? Ata yima azi hum ala zandu’â hi Ma didina mi kalï wa kur kangâ hi Israel-lîna d’a,