Filip-ma 3:19 - Bible azumeina

¹⁹ Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.

Filip-ma 3:19 Iomraidhean Croise

Sawal la giled’a 17:14

Ma didina, ang prud’un ndei abo sum ndazina. Azi ni suma yam andagad’a ka hina. Suma b’rau mazid’a ni ka hî kur duniya ndatina. Ang hobozi hayazi ki vama ang ngazizi kazina, ang hobozi grozina, a ar ad’ud’a mi grozi ngolona mi.

Sawal la giled’a 52:1

Ni sawal la gile d’a David mi hlat mi hat mi ma ngolâ hi suma hle sawalina.

Jeremi 44:17

Wani ami tid’imi ni yam zla d’a lara d’a ndavunamid’a á ngal dubang ma his djivid’ina ki süm guguzlud’a mi Astarte amul la akulod’a, d’igi ami kabuyomi ngolo kamulei mamina ki mami suma nglona, ami lami adjeu kur azì ma nglo ma Juda-na ki ir palum mba Jerusalem-mba na. Ni kayam ndata ba, ami tamiya, ami hobomiya, ami lami furîd’a, ami wami nga ndak ki.

Ezekiyel 13:19

Agi nga mbud’un zulona aduk sum mana yam awu ors ma a nga hagizi abogi ngiyeûna kavungô ma mbruka. Ata yima agi nga kagi zlad’a mi man suma a nga hum zla d’a kad’ina, agi nga tchagi suma a ndak nga á tchid’a d’uo na, agi nga aragi suma a ndak á tchid’ina karid’a.

Ezekiyel 34:3

Agi tchagi tumiyô suma d’orâ, agi tagi mbuluziya, agi tchugugi tumuzuzi atagiya, agi nga pologi tumiyôna d’i.

Wana ni mbaktumba hi Oze-d’a 4:7

Suma ngat buzuna ki zla tazi pet, a d’es sei kur lovot ta an tagazizid’a, a vrak filei ma ndjendjed’a blangân an mala ni subur mazid’a na.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Malatchi 1:12

Wani ni agi ba, nga lazan simiyênu. Agi nga dagi ala: Yima ngal ahle suma ngat buzunina hi Ma didinina mi ndjendjed’a, ahle suma te suma yam yima ngat buzunina, agi golozi is mi.

Matiye 16:23

Wani Jesus mi mbut iram mi de mi Pierre ala: Seitan, iza woi hina dei ad’unu, ang hal á pugun kur tchod’a, kayam djib’er manga nga ni djib’era hAlonid’a d’i, wani ni djib’era hi sumid’a.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Wana ni Zla d’a Djivi d’a Luc mi b’irita 12:19

An mba ni de mi tan ala: Ang nga kahlena ngola kur avureina á le bizad’a ablaud’a. Ang tuk tangû, ang te, ang tche, ang le furîd’a.

Wana ni Zla d’a Djivi d’a Luc mi b’irita 16:19

Adjeu sama ndjondjoîna mi nga. Nga mi tchuk baru d’a hleud’a ki baru d’a hap pa guzut kal teglesa atamu. Burâ ki burâ mi nga kaka ki furîd’a ki tena.

Wana ni Zla d’a Djivi d’a Luc mi b’irita 18:4

Yina kal ngola mi min nga d’i, wani bugol mi de kurum ala: An nga ni le mandar Alona d’i, nga ni le zulo sa d’uo pî ni,

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

Romê-na 6:21

Adjeu agi fagi ni me ata yima agi nga lagi sunda, agi nga lagi zulona kat ki tchetchembid’a ge? Kayam dabid’a hi sun ndatid’a ni matna.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

1 Korente-na 5:2

Agi nga suburugi ni tagi zango zu? Wani agi nga had’agi hurugi á digigi sama le sunda hina d’a woi adigagi d’uo zu?

1 Korente-na 5:6

Subur ta magid’a nga ata yat ti. Agi wagi nga d’ala anguf fa ngiyeûd’a nga d’i subur afuta d’uo zu?

2 Korente-na 11:12

Wani ahle suma an lazina, an nga ni lazi avogovogo, kayam ni d’el suma a nga nga tazi ki ami kur ahle suma azi nga subur tazi kazina.

2 Korente-na 11:15

Kayam ndata, le azungeî mama a mbut tazi d’igi azungeî suma d’ingêrâ hina pî, nga ni vama ngol li. Dabi mazid’a mba d’i nda’î yam sun mazi d’a azi lata.

Galat-na 6:13

Suma a ngat bayâd’ina ki yazi pî a nga tit yam gata d’i. Wani azi min ngad’agi bayâd’a kayam azi fe lovota á subur tazi yam hliwigiya.

Filip-ma 2:21

Kayam suma hiuna a nga djib’erî yam ahle mazina, wani nga ni yam ahlena hi Jesus Christ-sâ d’i.

Kolos-sâ 3:2

Ar agi tinigi hurugi ni yam ahle suma sä akulona, wani agi tinigi hurugi yam ahle suma yam andagad’a ka hina d’i,

2 Tasaloni’â 1:9

Alona mba mi ka sariya d’a didinda kaziya. Sum ndazina a mba tchol lei dei avok Ma didina abo subura had’eng mambid’a.

2 Tasaloni’â 2:12

Kayam suma pet, suma a he nga gagazid’a yam gagazid’a d’uo wani tazi d’i lazi djivid’a ni yam tchod’ina, Alona mba mi kazi sariyad’a kaziya.

2 Tasaloni’â 2:8

Ata yi máma, Ma tchona mba mi nde tam mbei ir suma. Ni ma Salad’a Jesus mba mi tchum mbei ki fo d’a avunambina, mba mi b’lagam mbei ki b’o mamba fata mam mba mi mbad’a.

1 Timote 6:5

ki tuguyod’a hi suma djib’er mazid’a b’lak keina. Zla d’a gagazid’a nga kuruzi d’i, a nga djib’er ala he gagazi d’a yam zlad’a hAlonid’a ni lovot ta fe beged’a.

2 Timote 3:4

Azi ni suma ka hula, suma tchila yam gata, suma subur tad’a kal kazina, suma a le yam furîd’a hi duniyad’id’a kal Alonina.

Jacques 4:16

Wani ki tchetchemba, agi nga suburugi tagiya, agi nga lagi yam mba ad’enga. Andjaf subur ta d’a hina d’a ni tchod’a.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

2 Pierre 2:13

Wani Alona mba mi wuragazi ki ndak ka azi lat mi suma hiunid’a. A nga le furîd’a kur djib’er mazi d’a tchod’a falei d’ad’ar ata yima azi nga te te magina ki furîd’a ki lop ir mazid’ina. Azi ni vama zulona ki vama dap asema mi.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Jude 1:10

Wani sum ndazina a nga ngul vama azi wum mbuo na kahle suma azi wazi kur djib’er mazid’a d’igi ahle suma abagei suma bei djib’era na na, a nga b’lak kei kur ahle ndazina.

Jude 1:16

Sum ndazina tazi nga d’i lazi djivi d’i, huruzi nga mi zal yam ahle suma a nga mba kazina, a nga tit kur d’od’oka hi hliwizid’a, a nga de zla d’a subur tad’a, a nga lad’u suma á fe mbina ataziya.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

Vama ndum mbeina 18:7

Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.

1 Samuel 2:29

Ni kayam me ba, agi nga mired’egi vama ngat buzuna ki he d’a hawa d’a an he vuna kat á handji kur gong man nda kud’orid’a ge? Eli, ni kayam me ba, ang he grongâ ngola kalan an nge? Ni kayam me ba, agi nga d’orogi tagi kahle suma djivi suma kal man suma Israel-lâ a nga mbandji á handji he d’a hawad’ina ge?