Filip-ma 3:17 - Bible azumeina

¹⁷ B’oziyona, agi pet lagi d’igi an na. Ar agi tinigi iragi yam suma a nga tit d’igi ami tagagi na na.

Filip-ma 3:17 Iomraidhean Croise

Sawal la giled’a 37:37

Ang tin irang yam sama iratna, ang gol sama d’ingêrâ, kayam sama halas máma mba mi i avogovogo.

Romê-na 16:17

B’oziyona, an nga ni gigid’egi yam suma a nga mba ki wala suma a nga vit suma a he gagazid’ina woina. Azi ni suma hat mazid’a ndjak nga ki hat magi d’a agi vat adjeud’a d’uo na. Ar agi walagi woi dei ki sed’eziya.

1 Korente-na 10:32

Ar agi lagi vama dap asem Juif-fâ d’oze andjaf suma dingâ d’oze Toka hAlonid’a d’uo mi.

1 Korente-na 11:1

Agi hlagi balum asen d’igi an hle balum asem Christ-sâ na.

1 Korente-na 4:16

Kayam ndata, an nga ni tchenegiya, agi tid’igi balum asenu.

Filip-ma 4:9

Ahle suma agi had’agizina kahle suma agi vagizina kahle suma agi humugizina kahle suma agi wazi atana, ar agi laziya. Hina wani, Alo ma b’leng nga halasa mba mi kak ki sed’egiya.

1 Tasaloni’â 1:6

Agi tid’igi balum asemiya, balum asem Salad’a mi, kayam agi vagi zlad’a hAlonid’a ni ki djop vuna ngola, ni ki furî d’a Muzuk ma bei tchod’a ba na mi hagizid’a mi.

2 Tasaloni’â 3:14

Sama ge nga yam kä ad’u zla d’a ami b’irit kur mbaktum mba wanda d’uo ni, agi gologi tagi djivi ki sed’emu. Ar agi zlabagi ki sed’em mbi, kayam zulona lumu.

2 Tasaloni’â 3:7

Kayam agi tagi wagi ala djivid’a agi tid’igi balum asemiya, kayam kak mami d’a adigagid’a ami lami nga azulomba d’i.

2 Tasaloni’â 3:9

Ami ndak á vami ahlena abogiya, wani ami lami nga na d’i, kayam ami mbud’umi ni vama simata avorogi kayam agi hlagi balum asemiya.

1 Timote 4:12

Ar sa golong is kur azong manga d’i, wani ang mbut ni vama simata mi suma a he gagazid’ina kur zla mang nga ded’a, kur tit manga, kur o manga, kur he gagazi manga, kur d’ingêr mang nga led’a mi.

Hebre-na 13:7

Agi djib’eregi yam suma nglo suma avorogi adjeu suma a tchagi wal zlad’a hAlonid’ina. Agi djib’eregi yam tit mazid’a ki mat mazina, ar agi hlagi balum asezi yam he gagazi mazid’a.

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.