Filip-ma 3:1 - Bible azumeina

¹ Wani ki tchetchemba, b’oziyona, agi lagi furîd’a yam Salad’a. An kau nga á hulong dagi ahle suma an b’irigizi dana d’i, ahle ndazina ni vama djivina kagiya.

Filip-ma 3:1 Iomraidhean Croise

1 Sunda Hamuleinid’a 15:28

Israel-lâ pet a hleï zandu’â hi Ma didinina ki siwela gandjau, a nga bu aduvei suma nglona ki suma gureina ki tchigiyeud’a, a nga bu ading ma nglona ki ma gureina mi.

1 Sunda Hamuleinid’a 16:10

Ar agi suburugi tagi yam simiyê Ma bei tchod’a ba na. Agi suma nga halagi Ma didinina, agi lagi furîd’a kurugi krovo.

1 Sunda Hamuleinid’a 29:22

Kur bur máma a te, a tche avok Ma didina ki furîd’a ngola, a tin Salomon David goroma amula yazi á mbàd’a, a vom mbulâ kam avok Ma didina kayam mi tak lovota mi Israel-lâ, a vo mbulâ yam Sadok kayam mi kak ma ngolâ hi suma ngat buzunina mi.

Nehemi 8:10

Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.

Wana ni mbaktumba hi Job-pa 22:26

Ang mba le furî d’a ngola yam Ma ad’engêm kal petna, ang mba hle irang akulo avorom bei mandarâ ba.

Sawal la giled’a 149:2

Ar Israel mi le furîd’a yam Alo ma mi luma, ar suma kur Siyon-na a le hur ma hapma yam amul mazina.

Sawal la giled’a 32:11

Agi suma d’ingêrâ, agi lagi furîd’a yam Ma didina, agi lagi hur ma hapma; agi suma pet suma bei tchod’a kurugina, agi eregi ad’ugi akulo ki furîd’a.

Sawal la giled’a 33:1

Agi suma d’ingêrâ, agi eregi ad’ugi akulo ki furîd’a yam Ma didina; ni djivid’a yam suma d’ingêrâ á gilemu.

Sawal la giled’a 37:4

Ang le furîd’a yam Ma didina, mam mba mi hang vama hurung minima mi.

Sawal la giled’a 42:4

Andjege ki faleya, simi irana mi mbut ni te mana, kayam a nga dan burâ ki burâ ala: Alo mangâ mi nga ni lara ge?

Sawal la giled’a 5:11

Alo mana, ang ngobozi yam tcho mazid’a! Ar zla mazi d’a azi minita ti vaziya! Ang digizi woi yam tcho mazi d’a ablaud’a, kayam azi ni suma bei humung vunang ba na.

Sawal la giled’a 97:1

Ma didina nga mi tamula! Ar suma yam andagad’ina pet a ayâ, ar suma yam til la tetengina a le furîd’a mi.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 65:14

Gola! Azungeî mana a mba hle sawala ki furîd’a kuruzi krovo, wani agi mba tchigi abo tagi d’a ted’a kurugi krovo, agi mba tchigi tchi ma hohoud’a, agi mba tchugugi susub’ok mi.

Joel 2:23

Agi suma Siyon-na, agi lagi hur ma hapma, agi lagi furîd’a yam Ma didina Alo magina, kayam mam nga mi sagi alona ata yamu, nga mi sagi alo ma hod’ogeid’a kalo ma dabid’a d’igi avok deid’a na.

Sofoni 3:14

Ang azì ma ngol ma Siyon-na, ang le furîd’a! Agi Israel-lâ, agi eregi ad’ugi akulo ki hur ma hapma! Ang azì ma ngol ma Jerusalem-ma, ang le furîd’a kurung krovo!

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Zakari 10:7

Suma Efraim-ma a mba mbut ni grang suma durâ, a mba le furîd’a kuruzi krovo d’igi suma a le furîd’a ki süm guguzlud’a na. Grozina a mba we, a mba le furîd’a, a mba le furîd’a kuruzi krovo yam an Ma didina.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Wana ni Zla d’a Djivi d’a Luc mi b’irita 1:47

An nga ni le furîd’a yam Alo ma sud’una,

Romê-na 5:11

Ni kayam ndata hol li, wani ei nga lei furîd’a zlapa kAlona, ni yam Saleina Jesus Christ ma ki tchetchemba mi zlabei darigïd’a kAlonina.

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

Efes-sâ 6:10

Vama arâ, agi siragi ngingring zlapa tu ki Salad’a, kur sib’ika had’eng mambid’a mi.

Gat ta a hat á mbàd’id’a 12:18

Wani agi ki grogi suma andjofâ ki grogi suma aropma kazungeî magina ki yugunei magina zlapa ki ma hi Levi ma mba mi kak avo hatagina, agi tagizi avok Ma didina Alo magina ata yima mam mba mi manama, agi mba lagi furîd’a kahle suma djivina pet suma agi mba fazina mi.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Filip-ma 4:8

B’oziyona, zla d’a ara: Ar agi tinigi djib’er magid’a yam ahle suma djivi suma ndak á giled’ina kahlena pet suma gagazina kahle suma a yorozina kahle suma d’ingêrâ kahle suma yed’etna kahle suma djivi suma ndak á hud’ina.

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

1 Tasaloni’â 5:16

Agi kagagi ki furîd’a teteu.

Jacques 1:2

B’oziyona, kuk ka lara ge pet ta nga d’i kugugid’a, agi golot ni d’igi vama furîd’a na,

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

1 Pierre 4:13

Wani le agi nga zlapa ki Christ kur ndak mamba ni, agi lagi furîd’a, kayam fata mam mba mi nde woi kur subur mambid’a, agi mba lagi furî d’a ngol la kala.

2 Pierre 3:1

Buniyôn suma od’a, wana ni mbaktum mba mbà d’a an b’irigizid’a. Kurut djak an zlid’igi akulo kur djib’er magi d’a djivid’a á gagi humagi yam hat ta an had’agizid’a.

1 Samuel 2:1

Anne ti subur Alona, ti dala: An nga ni le furîd’a kurun yam Ma didina. An hle wa yan akulo yam djivi mamba mi lata. An ndak á san ad’u man suma djangûna. An nga ni le furîd’a, kayam Alona mi ndjununu.