Filip-ma 2:9 - Bible azumeina

⁹ Kayam ndata, Alona mi hlum sä akulo ata yima kal teglesâ, mi tinim simi ma kal yam simina petna.

Filip-ma 2:9 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 110:5

Salad’a mi nga ata bigang nga ndjufa, mba mi tchi amuleina woi kur bur ma mi ndeï ayî mama woina.

Sawal la giled’a 89:27

Mam mba mi yan ala: Angî abunu! Alo mana, angî ahina d’a sud’unda!

Sawal la giled’a 91:14

Ma didina mi dala: Kayamba mi le kanda, an mba ni prud’um mbeyo, an mba ni ngomom mi, kayam mi wan ndei tetet.

Isai 52:13

Ma didina mi dala: Azong mana mba mi i avogovogo, mba mi subur tamu, mba mi hle yam akulo, a mba hum ngola mi.

Isai 53:12

Ni kayam ndata ba, an mba ni hum b’rau mamba ki suma nglona. Mam mba mi b’rau ahle suma a hurumuzï avun ayînina ki suma sib’ika kayam mi he tam mbei á matna. A ndumum zlapa ki suma tchila yam gata, kayam mi hle tchod’a hi suma ablaud’a kamu, mi tchen yam suma zlad’a nga kazina mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Wana ni Zla d’a Djivi d’a Luc mi b’irita 10:22

Mi de mi suma ala: Abun han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Jean 13:3

Jesus mi wala Abum mi hum wa ahlena pet abomu, mam tcholï ni gevemu, nga mi hulong gevem mi d’a,

Jean 17:11

An nga kur duniyad’a d’uo d’a, wani azi nga kur duniyad’a. An nga ni iza gevengû. Abun ma bei tchod’a, ang ngom suma ang handjina ki simiyêngû, kayam azi kak tu d’igi ei na.

Jean 17:12

Kid’a an nga ki sed’ezid’a, an ngomozi ki simiyêng ma ang handjina, an nga ni ngomozi mi. Sa adigazi tu ba nga woi d’i, ni ma a tinim á bad’a woina hol, kayam zla d’a a b’irit kur mbaktum mangid’a ti ndak memet.

Jean 17:5

Abunu, ki tchetchemba, ang suburun avorong ki subur ra an nga ki sed’et avorong avok dei bei led’a hi duniyad’id’a.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

Efes-sâ 1:10

Ni nga hurâ hAlona ma mi ngam kurum á ndagam vunam ata yima dabid’a á tok ahlena pet suma sä akulona ki suma yam andagad’ina tu ad’u amul ma tuna, nala, Christ.

Kolos-sâ 1:18

Mam mi yamba hi hliu tad’id’a, nala, Toka hAlonid’a. Mam nad’u tinda hari d’a awilid’id’a, mam mi ma tchol akulo aduk suma matna avok kikidji á kak ma avo’â hahlena petna.

2 Tasaloni’â 1:12

Yam sumad’a hAlo meinid’a ki d’a hi Saleina Jesus Christ-sa, agi mba suburugi simiyê Saleina Jesus, mam mba mi suburugi mi.

Hebre-na 1:4

Kayam ndata, mi mbut ma kal malaikana, kayam Alona mi hum simi ma ngol ma kalazi petna.

Hebre-na 1:9

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Hebre-na 2:9

Wani ei wei Jesus ma Alona hulongôm kä ad’u malaikana ndjö na. Ki tchetchemba, mi kulubum avaval la subura kamu, mi hum ngola mi. Ni yam sumad’a hAlonid’a ba, mi fe ndaka, mi mit yam suma pet.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

2 Pierre 1:17

Kayam Abum Alona mi hum mi suburum ata yima dela ti tcholï ata subur ra ngol la kal papad’a ala: Wana ni Goron ma an hurun vum heîna, ni ma tan ndi lan djivid’a heî kama na.

3 Jean 1:7

Ni yam simiyê Jesus Christ ba, azi buzuk kei abua, a ve nga va abo andjaf suma bei wAlona d’i.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.

Vama ndum mbeina 5:12

A hle sawala ki delezi akulo ala: Gor timi ma a tchum adjeuna, mi ndak á ve sib’ika ki ndjondjoîd’a ki ned’a kad’enga ki hud’a ki subura ki giled’a mi.