Filip-ma 2:5 - Bible azumeina

⁵ Ar agi kagagi ki djib’era hi Jesus Christ-sa kurugiya:

Filip-ma 2:5 Iomraidhean Croise

Matiye 11:29

Ar agi hlagi djuk mana, agi had’agi atanu, kayam an ni sama lulumana ma hurun ab’lengîna mi, agi mba fagi tuk tad’a mi.

Wana ni Zla d’a Djivi d’a Luc mi b’irita 22:27

Ni nge ba, ni ma ngolâ ge? Ni ma nga kaka kä avun tenina, d’oze ni ma nga mi he tenina zu? Wani an nga adigagi ni d’igi ma le sunda na.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 20:35

Kur ahlena pet, an tagagi á le sun nda djivid’a, kayam agi ndjunugi suma hohoud’a. Agi djib’eregi yam zlad’a hi Salad’a Jesus d’a mam tam dat ala: Alona mba mi b’e vunam yam sama hed’a kal ma ved’a d’a.

Romê-na 14:15

Le ang nga b’lak hur wiyengâ yam te mangâ ni, ang nga tit kur od’a d’uo d’a. Ar ang ba sama Christ mi mit kama woi yam te mangâ go d’i.

Romê-na 15:3

Kayam Christ tamba mi hal nga vama mi lum tam djivid’ina d’i, wani d’igi mbaktumba hAlonid’a ti de na ala: Ngul la suma a nga ngulunga ti hulong kanu.

Romê-na 15:5

Ar Alo ma ve tad’a ki b’leng hur ma tcholï atama, mi hagi djib’er ra tud’a aduk tagi d’igi djib’era hi Jesus Christ-sa na.

1 Korente-na 10:33

Ar agi lagi d’igi an na. An lahlena pet ná le suma tazi djivid’a. An nga ni hal vama lan an tanda djivid’ina d’i, wani vama le suma ablaud’a ngola tazi djivid’ina, kayam azi fe suta.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Filip-ma 1:1

Ni an Paul ki Timote, azungeîna hi Jesus Christ-sâ. Ami nga b’irimi mbaktum mba wanda mi agi suma hAlona pet suma a he gagazid’a yam Jesus Christ suma avo Filip-ma, zlapa ki suma gol Toka ki suma a le sunda mi Tokina mi.

1 Pierre 2:21

Ni kayam ndata ba, Alona mi yagi kiya, kayam Christ mi fe wa ndaka kagi da’. Mi aragi ni vama simata, kayam agi tid’igi balum asemu.

1 Pierre 4:1

Kayam Christ mi fe ndaka kur hliwimu, ar agi minigi tagi ki djib’er ra tu ndata mi, kayam sama ve tam kur ndaka kur hliwima, mi wal lei ki tchod’a.

1 Jean 2:6

Sama dala mam nga kaka zlapa tu kAlona na, djivid’a mi tit d’igi Jesus tamba na.