Filip-ma 2:29 - Bible azumeina

²⁹ Kayam ndata, agi vum atagi ki furîd’a yam Salad’a. Andjaf suma hina na, agi hazi ngola,

Filip-ma 2:29 Iomraidhean Croise

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.

Wana ni Zla d’a Djivi d’a Luc mi b’irita 9:5

Azì ma ngol ma lara ma suma kurâ a vagi atazi d’uo na, ata yima agi buzugugi woi kur azì mámina, agi pogi gugum ma hur asegina woyo. Gugum máma mba mi arî vama glangâsâ kaziya.

Jean 13:20

Gagazi, an nga ni dagiya, sama ve sama an sunuma atama, mi van ni anu. Sama van an atama, mi ve nAbun ma mi sununïna atam mi.

Sunda hi suma a sunuzinid’a 2:46

Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

Sunda hi suma a sunuzinid’a 28:10

Kid’a ami djagami kur batod’a á id’id’a, a lami ad’umi heî, a hami ahle suma kid’agamina mi.

Sunda hi suma a sunuzinid’a 8:8

Suma kur azì mámina a le furîd’a ngola.

Romê-na 10:15

Le a sun suma d’uo ni, a mba tchi wala ni nana ge? D’igi mbaktumba hAlonid’a ti de na ala: Suma a mba ki Zla d’a Djivid’ina djivid’a kaziya.

Romê-na 16:2

Ar agi vagizi atagi yam simiyê Salad’a d’igi suma hAlonina a nga ve tazi na. Agi ndjunut kur ahlena pet suma ndat minizi atagina, kayam ndat tata ti ndjun suma ablaud’a ki an tanda mi.

1 Korente-na 16:10

Le Timote mi iza hatagiya ni, ar agi vum atagi djiviya, kayam mam nga mi le sunda hi Salad’id’a d’igi an na.

1 Korente-na 16:18

Azi b’lengên hurun d’igi a b’lengêgi hurugi na mi. Djivid’a agi hugi suma hina na.

2 Korente-na 10:18

Kayam sama nga subur tam vama, mi ndak nga d’i, wani sama Ma didina nga mi suburuma ni ma nda’â.

2 Korente-na 7:2

Ar agi tinigi hurugi kamiya. Ami lami nga vama tcho mi sa d’i, ami b’lagami nga sa d’i, ami hlami nga va hi sa kad’eng nguo mi.

Filip-ma 2:28

Kayam ndata, an nga ni sunugizi sä atogo zak. Fata agi wumba, agi mba lagi furîd’a, an mba yor tan ngol luo mi.

Kolos-sâ 4:10

Aristarik ndran ma dangeina, mi gagi depa. Marik ma Barnabas abamba gorotnina, mi gagi depa mi. Ni ma an dagizi zlam avok ala le mi mbaza hatagiya ni, agi vum atagi djiviya na.

1 Tasaloni’â 5:12

Wani b’oziyomina, ami nga tchenegiya, ar agi gagi yagi kä avok suma a nga le sunda adigagi suma Salad’a mi tinizi avorogi á d’obogi á had’agi mi na.

1 Timote 5:17

Suma nglo suma a nga le sunda djivid’a avok Tokina, a ndak á fe wuraka yazi mbàmbà, kal pet ni suma a nga he tazi ngola yam wal la tchid’a ki hatina.

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

3 Jean 1:10

Ni kayam ndata ba, fata an mbazid’a, an mba ni dum yam tcho mam mba mi lata ki zla mam mba tchod’a ki zla d’a kad’a mi dat kamid’a. Hina wan pî, ndagam nga d’i. Mam tamba nga mi ve b’oziyoina atam mbi, nga mi d’el suma a min á vazi atazina, nga mi digizi woi kur Toka mi.