Filip-ma 2:27 - Bible azumeina

²⁷ Gagazi, tugud’eid’a lumu, mi ar go á matna. Wani Alona mi wum hohowomu, nga ni mam hol li, wani mi wan hohowon mi, kayam an yor tan yor ra ding ngi.

Filip-ma 2:27 Iomraidhean Croise

2 Amuleina 20:1

Kur atchogoi ndata Ezekiyas mi ve tugud’eid’a á matna. Ma djok vun Alona Isai Amot goroma mi mba gevemu, mi dum ala: Ezekiyas, Ma didina mi ala: Ki tchetchemba, ang de vunang mi sum mangâ, kayam ang mit ni mid’a, ang nga tchol akulo d’uo d’a.

Wana ni mbaktumba hi Job-pa 5:19

Mba mi sud’ung ngei kur ndaka yam karagaya. Le ndaka mba kang yat kid’iziya pî, mba d’i dong nguo mi.

Sawal la giled’a 34:19

Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Isai 27:8

Hawa, wani ni ki lalamba ba, mi ngobozi mi izi magomba ki fo d’a ad’eng nga avunamba d’igi simet ma abo ma yorogona na.

Isai 38:17

Gola! Hur man ma b’laka mi mbut ni furî manda. Ang tang lan djivid’a, ang prud’un ndei avun matna, kayam ang tchuk tcho manda sä woi blogong dei.

Isai 43:2

Fata agi djagagi mbinid’a, an mba ni kak ki sed’egiya; fata agi djagagi alumid’a, aluma mba mi hlubugi d’i; fata agi kalagi aduk akud’id’a, akud’a mba d’i ngalagi d’i, sinat mba d’i trâgi d’uo mi.

Jeremi 10:24

Ma didina, ang gad’an ni ki lovod’od’u, wani ni kayî mangâ d’i. Le hina d’uo ni, an mba ni b’lak keyo.

Jeremi 45:3

Ang dala: Ndaka nga kanu, kayam Ma didina nga mi mba ki ndak ka dinga kan yam ahle suma tan nga d’i tan abozina. An ni seî wa á muzuka, an ndak á tuk tan ndi.

Jeremi 8:18

Jeremi mi dala: Hurun b’lak kurun kakazeî, wani kuma ma b’lengên huruna nga d’i.

Habakuk 3:2

Ma didina, an hum zla d’a ang data, Ma didina, mandarâ van heî abo sun mang nga led’a. Ang le sun manga kur atchogoi mamid’a d’igi ang lat adjeu na; kur atchogoi mamid’a ang tagat tei mi suma. Le hurung zal pî, ar ang djib’er yam we hohou mang nga kamid’a.

Sunda hi suma a sunuzinid’a 9:37

Kur bur máma ti ve tugud’eid’a, ti mid’a. Bugol la azi mbuzut teid’a, a hlat a i gat kur gong nga yam ndrata akulod’a.

1 Korente-na 10:13

Kuk ka lara ge pet ta nga d’i kugugid’a nandjaf kuk ka nga d’i kuk sumid’a mi. Alona ni Ma d’engzengâ, mba mi ar kuka kal yam ad’eng magid’a d’i, wani kur kuka, mba mi hagi lovota á ndagi woi kur á vagi tagi ad’enga.

2 Korente-na 2:7

Wani ki tchetchemba, ar agi vad’agi hurugi woi kamu, ar agi b’lengêm hurum mi, kayam hur ma zala kal kam mbi.

Filip-ma 2:26

Kayam tam nga d’i lum zlezleû á wagi pet. Wani mi nga mi hat hurum ngola, kayam agi humugi ala tugud’eid’a lumu.

Filip-ma 2:28

Kayam ndata, an nga ni sunugizi sä atogo zak. Fata agi wumba, agi mba lagi furîd’a, an mba yor tan ngol luo mi.

Filip-ma 2:30

kayam mam ar go á matna yam sunda hi Christ-sa. Mi gol tamî va d’i á mban ahle suma ndjun suma agi tagid’a ndak á mbandji d’uo na.