Filip-ma 2:22 - Bible azumeina

²² Wani agi wagi Timote ni sama d’engzengâ. Mi ndjunun kur sunda hi Zla d’a Djivid’id’a d’igi gorâ nga mi le kabum na.

Filip-ma 2:22 Iomraidhean Croise

Sunda hi suma a sunuzinid’a 16:2

B’oziyoi suma Listre-na ki suma Ikoniyum-ma a nga yorom heî mi.

Romê-na 5:4

ve tad’a nga d’i tchol ad’enga kur kuka, tchol la ad’enga kur kukid’a nga d’i mba ki tin hurâ mi.

1 Korente-na 16:10

Le Timote mi iza hatagiya ni, ar agi vum atagi djiviya, kayam mam nga mi le sunda hi Salad’id’a d’igi an na.

1 Korente-na 4:17

Kayam ndata, an nga ni sunugi sä Timote goron ma an hurun vum heîna, ni ma d’engzengâ yam Salad’a mi. Mam mba mi vagi ad’ud’a yam tit man nda zlapa ki Christ-sa. Tit ndata ni hat ta an nga ni hat suma kur Toka lara ge peta mi.

2 Korente-na 2:9

Kayam ndata, an b’irigi ki mbaktum ndata á kugugiya, á we na ni agi nga gagi yagi kä ad’u ahlena pet suma an nga ni had’agizina ko zu?

2 Korente-na 8:22

Kayam ndata, ami sunumi wiyei ma ami kugum yami ablaud’ina ki sed’eziya. Ami wum mam nga hat hurum ngola, wani ki tchetchemba, nga mi hat hurum ngola kala, kayam mam tin hurum ngola kagiya.

2 Korente-na 8:24

Ar agi tagazi woi ala agi lagi kazi gagazi, kayam Toka pet mba d’i wala subur ra ami suburumi tami kagid’a ni hawa d’i.

2 Korente-na 8:8

An de hina, an hagi ni vuna d’i, wani an de ni yam zlezleûd’a hi suma dingîd’a. An min kuk o magid’a, na ni ni o d’a gagazid’a ko zu?

Filip-ma 1:12

B’oziyona, an min ala agi wagi ahle suma a lana ná zul Zla d’a Djivid’a avogovogo,

Filip-ma 1:16

Sum ndazina a nga tchat ni ki od’a, kayam azi wala Alona mi han Zla d’a Djivid’a abon á ngomba.

Filip-ma 1:5

kayamba agi ndjunun kur sunda hi Zla d’a Djivid’a avok dei gak ki tchetchembid’a.

Filip-ma 1:7

Ni djivid’a an djib’er kagi pet hina, kayam an hurun vagi heî. Kayam agi nga zlapa ki sed’en yam sun nda djivi d’a Alona mi handji ki tchetchemba ata yima an nga kur dangeinina, ata yima an nga hawana, ata yima an nga ni tchi wal Zla d’a Djivid’ina mi.

Filip-ma 2:20

Kayam an nga ki sama ding ma mi djib’er kagi d’igi an na yam zla magid’ina nga d’i.

1 Timote 1:18

Ang gorona Timote, vun ma he ma an hangzina, mi ndjak ki zla d’a suma djok vun Alona a dat adjeu kanga. Ar ang deng tang kat á dur ayî ma djivina.

1 Timote 1:2

An nga ni b’ir mbaktum mba wanda mi ang Timote, goron ma d’engzeng ma kur he gagazid’ina. Ar Alona Abui ki Saleina Jesus Christ a vang sumad’a, ar a wang hohowong ki b’leng nga halasa mi.

1 Timote 4:6

Le ang nga hat b’oziyoina yam ahle ndazina ni, ang mba mbut sama sun ma djivina hi Jesus Christ-sâ. Ang mba tak kei ala ang nga wul kur zlad’a hAlona d’a ang he gagazid’a kata ki hat ta gagazi d’a ang nga tit blogota mi.

2 Timote 1:2

An nga ni b’ir mbaktum mba wanda mi ang Timote, goron ma hurun vang heîna. Ar Alona Abui ki Saleina Jesus Christ a vang sumad’a, a wang hohowong ki b’leng nga halasa mi.

2 Timote 3:10

Wani angû, ang we wa hat manda, tit manda, min manda, he gagazi manda, ve ta manda, o manda, rit ta manda,

Wana ni mbaktum mba Paul mi b’irit mi Tit-ta 1:4

An nga ni b’iring mbaktum mba wanda mi ang Tit, goron ma irat ma kur he gagazi d’a ei nga kurut petina. Alona Abui ki Jesus Christ ma sud’ina a vang sumad’a ki b’leng nga halasa.