Filip-ma 2:12 - Bible azumeina

¹² Kayam ndata, buniyôn suma od’a, d’igi agi nga humun teteu na, nga ni iran hol li, wani ki tchetchemba an nga adigagi d’uo pî, ar agi lagi sunda yam sut magid’a ki mandarâ ki zlaka mi.

Filip-ma 2:12 Iomraidhean Croise

Esdras 10:3

Ei i djini vunei kAlo meina á dik arop ndazina ki grozina d’igi ang salana ki suma pet suma a nga le mandara gata hAlo meinid’ina a de na, ar ei lei d’igi gata ti de na mi.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 2:11

Agi lagi sunda mi Ma didina ki mandarâ, agi lagi furîd’a, agi zlagagi avorom mi.

Zla d’a d’ogolâ 10:16

Sunda hi sama d’ingêrîd’a nga d’i hum arid’a, wani fed’a hi sama asa’atnid’a ni yam tcho d’a led’a.

Zla d’a d’ogolâ 13:4

Minda hi sama azulombid’a nga d’i mba ki va tu d’i, wani minda hi suma a le sunda akud’a kekengâ mba d’i mbazi ki duzîd’a.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Matiye 11:12

A tinï ad’ud’a kur atchogoid’a hi Jean ma le suma batembina dei gak ini, suma a nga b’at leu d’a akulod’a ni kad’enga, ni azi suma a b’ad’at kad’engî ba a hlat mi.

Matiye 11:29

Ar agi hlagi djuk mana, agi had’agi atanu, kayam an ni sama lulumana ma hurun ab’lengîna mi, agi mba fagi tuk tad’a mi.

Sunda hi suma a sunuzinid’a 16:29

Ma ngol ma ngom vun gong nga dangeinina mi yala a humï akud’a, mi ring klaviya, mi ge tam kä avok Paul azi ki Silas, nga mi zlaga.

Sunda hi suma a sunuzinid’a 9:6

Wani ang tchol akulo, ang i kur azì ma ngolâ. A mba dang vama ang mba luma.

Romê-na 2:7

Suma a ve tazi kur sun nda djivi d’a led’a suma a nga hal subura ki hud’a karid’a bei matna ba d’ina, mam mba mi hazi ari d’a didinda.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

1 Korente-na 2:3

Kayam ndata, an kak adigagi d’igi sama amangeîna na ki mandarâ ki zlak ka ngola mi.

1 Korente-na 4:14

An nga ni b’irigi ahle ndazina ná mbud’ugi zulona d’i, wani ná had’agi d’igi gron suma an hurun vazi heîna na.

2 Korente-na 7:15

Ata yima humam gum yam ge d’a agi gagi yagi kä avoromba, ata yima agi vum atagi ki mandarâ ki zlakina, hurum vagi ngola kala.

Efes-sâ 6:5

Agi magumeina, agi humugi zlad’a hi suliyogi suma yam andagad’a ka hina ki mandarâ ki zlaka ki hur ma tuna d’igi ni mi Christ na.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Filip-ma 1:29

Kayam Alona mi vagi sumad’a zlapa ki Christ ná he gagazid’a kam hol li, wani ná fagi ndaka kam mi.

Filip-ma 1:5

kayamba agi ndjunun kur sunda hi Zla d’a Djivid’a avok dei gak ki tchetchembid’a.

Filip-ma 1:6

Kayam an wala Alo ma tin ad’u le sun nda djivid’a kurugina, mba mi lat gak bur ma mbad’a hi Jesus Christ-sâ.

Filip-ma 2:19

Yam zlad’a hi Salad’a Jesus-d’a, an tin hurun ala an sunugi sä Timote ka tchetchem, kayam mi b’lengên hurun yam zla magid’a.

Filip-ma 4:1

Kayam ndata, b’oziyon suma od’a, an nga ni hat hurun ngola á wagiya, kayam agi ni furî manda ki subur manda. Buniyôn suma od’a, ar agi kagagi ngingring kur tit magid’a zlapa ki Salad’a.

Filip-ma 4:15

Agi suma Filip-ma, agi tagi wagiya, avok ka an tin ad’u tchi wal Zla d’a Djivid’a ata yima an ar Maseduwan-na, Tok ka ding nga ti ndjunun ti han vanid’a nga d’i, ni agi hol.

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

2 Timote 2:10

Kayam ndata, an ve tan ad’enga kur ahlena pet yam suma Alona mi manazina, kayam azi fe sut ta Jesus Christ nga mi hat mi sumid’a, zlapa ki subur ra didinda mi.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

Hebre-na 4:11

Kayam ndata, ei b’ad’ei tei á kalei ata yima tuk ta máma. Ar sa adigei mi so vuna d’igi suma adjeu hur fulâ a so vuna á kid’ak kei bei kal ata yima tuk tad’a na d’i.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!