Ezekiyel 8:3 - Bible azumeina

³ Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.

Ezekiyel 8:3 Iomraidhean Croise

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

2 Amuleina 16:14

Yima ngal ahle suma ngat buzu ma kawei ma hleuna, mi nga aduk vun gong nga kud’ora hi Ma didinid’a ki yima ngal ahle suma ngat buzu ma awilina. Wani Ahas mi djogom mbei gen ma awilina abo ma norâ.

2 Amuleina 2:16

a dum ala: Ang gola! Ami azungeî mangâ nga ki suma ad’engâ dok vahl. Ami min sunuzi á hal salangâ. Dam ata yima Muzu’â hi Ma didinina mi hluma, mi gumza ni yam ahinad’a akulo, d’oze kä kur hora kla! Wani Elise mi dazi ala: Agi sunuzi d’i!

2 Amuleina 21:7

Mi tin alo d’a a yat ala Asera d’a mam minita kur gong nga kud’ora hi Ma didina d’a mam de mi David azi ki goroma Salomon kat ala: Ni kur gong nga avo Jerusalem mba an manat aduk andjafâ hi Israel-lîna peta ba, simiyên mba mi kak kua gak didinu d’a.

Sawal la giled’a 78:58

Azi nga zalam hurum ki tuwal la azi nga tuwal alona handjaf suma bei dingîd’a, azi nga zalam hurum ngola heî ki filei ma azi nga tcholom ata yina tetengâ.

Buzuk ka Abud’a 20:4

Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Buzuk ka Abud’a 34:14

Ar agi grivigi kä avok alo ma ding ngi, kayam an Ma didina simiyên ala Yungôrâ. An nAlo ma yungôrâ mi.

Jeremi 32:34

A nga tin filei mazi ma ndjendjed’a kur gong nga a kud’uron kuad’a á mbud’ut ndjendjed’a.

Jeremi 7:30

Ma didina mi dala: Suma Juda-na a le sun nda tchod’a avoronu, a tin filei mazi ma ndjendjed’a kur gong nga a tchenen kuad’a á mbud’ut ndjendjed’a.

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Ezekiyel 10:3

Ata yima sa máma mi mbaza kuana, tcherebêna a nga tchola ata gonga abot ma ndjufâ, d’ugula ti oî atrang nga krovod’a hurut mi.

Ezekiyel 11:1

Muzu’â mi hlanu, mi in avun agrek ma abo ma yorogona hi gong nga kud’ora hi Ma didinid’ina. Gol wani, suma dok mbà yam vahl a nga tchola avun yima kala hi vun agre’îna. Suma nglo suma avok sumina a nga adigaziya. Ni Jäzaniya Azur goroma ki Pelatiya Benaya goroma mi.

Ezekiyel 11:24

Muzu’â mi hlan mi i ki sed’en Babilon gen suma a yozi magombina kur vama Muzu’â hAlonina mi ndandji woi irana. Ata yi máma vama nde tam mbei iran máma mi vit iranu.

Ezekiyel 2:9

Ata yi máma an we abona nga mata woi iranu. Mbaktum mba d’uta nga kua.

Ezekiyel 3:12

Ata yi máma Muzu’â hAlonina mi hlan akulo. An hum siwel la ngola ei blogon ala: Ar ei gilei Salad’a Ma didina ata yam ma kak ma nga mi tak subur mamba woi kuana.

Ezekiyel 3:14

Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Ezekiyel 37:1

Ma didina mi tin abom kanu, Muzuk mama mi van mi i ki sed’en kur hor ra asok suma nga oîd’a kuad’a.

Ezekiyel 40:2

Ata yi máma vana nde tam mbei iran mi hlan mi in yam andaga d’a Israel-la sä hî, mi tinin kä yam ahina d’a fiyaka ka ked’iwurenga. Ata abot ma sutna an we gongîyona a nga minda teteng d’igi azì ma ngolâ na.

Ezekiyel 43:5

Muzu’â hAlonina mi hlan akulo, mi in hur atrang nga krovod’a. An we subura hAlonid’a b’o mata ti oî gong mam mba kud’ora.

Ezekiyel 43:8

Amulei mazina a min vun gong mazid’a ki yi mazi ma ndjendjek ma a djak kakulo avun gonga hazì mazinina go ki vun gong manda, go ki yi man ma ndjendjek ma a kal ki krovo kur gong man nda kud’orina mi. Wani ni gulumuna ba, mi walami adigami woi kaziyaziya. Ni hina ba, a mbud’un simiyên Ma bei tchod’a ba na ndjendjed’a. Ni kayam ndata ba, an b’lagazi woi kayî mana wana.

Ezekiyel 5:11

Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi.

Ezekiyel 7:20

Azi subur tazi yam ahle mazi suma ndjondjoî suma djifâ, a yorozi filei mazi ma ndjendjed’a. Ni kayam ndata ba, an mba ni mbud’uzi ahle suma ndjendjed’a iraziya.

Ezekiyel 8:5

Alona mi dan ala: Ang gor sana, ang hle irang akulo abo ma norâ. An hle iran akulo abo ma norâ mi. Gol wani, filei ma Alona hurum nga mi zal kama mi nga tinda abo ma norâ avun agrek ma i ata yima ngal ahle suma ngat buzunina avun yima kala.

Ezekiyel 9:2

Gola! Andjofâ karagaya a tcholï ki lovot ta avun agrek ma akulona d’a abo ma norîd’a. Nge nge pî mi nga ki va mam ma b’lak yina abomu. Sana tu mi nga adigaziya, mi tchuk baru d’a hap pa luluîd’a atamu, mi djin ahle suma a b’ir ki sed’ezina yam d’ik mama mi. A mba tchol go ki yima ngal ahle suma ngat buzu ma a lum ki kawei ma hleunina.

Daniel 10:10

Ata yi máma abo sana mi donu, mi tcholon akulo ki guguvan kabonu, wani an nga ni zlak tua.

Daniel 10:18

Ata yi máma hina wat ma mi hle tam d’igi sana na na mi don vunan kua, mi han ad’enga.

Daniel 5:5

Ata yi máma tchitchid’a sana ti nde woi go kagu lalamba, ti b’ir akulo huyok gulumuna hazì ma amula. Ata yima amulâ mi we tchitchit ta b’ir akulo ndatina, ata yi máma amulâ mi tchuk susub’ok, djib’erem b’laga,

Sunda hi suma a sunuzinid’a 8:39

Kid’a azi tup pei akulo aduk mbinid’a, Muzu’â hi Salad’ina mi zlak Filip. Adimbang dok wum bugol luo d’a, wani mi hle lovot mamba ki furîd’a.

Gat ta a hat á mbàd’id’a 32:16

Azi djo Ma didina ki sun mazi d’a ndjendjed’a, a zalam hurum ki kud’or ra azi nga kud’or alo ma dingîd’a mi.

Gat ta a hat á mbàd’id’a 32:21

Azi nga tinin á le yungôra yam alo ma ka zlad’a, a nga djon ki filei ma tuwala. An tan mba ni tinizi á le yungôra yam suma ala nandjaf ma gagazi d’uo na, an mba ni djozi kandjaf ma bei ned’a mi.

Gat ta a hat á mbàd’id’a 4:24

Kayam Ma didina Alo magina naku d’a ti ngal yinid’a, nAlo ma yungôrâ mi.

Gat ta a hat á mbàd’id’a 5:9

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’a d’oze ma kur atchogoi d’a fid’id’ina.

Gat ta a hat á mbàd’id’a 6:15

kayam Ma didina Alo magi ma nga adigagina, nAlo ma yungôrâ. Hurum le zal atagiya ni, mba mi dabagi woi yam andagad’a.

Josue 24:19

Josue mi de mi suma a to’â ala: Agi ndak á lagi sunda mi Ma didina d’i. Kayam mam mi Alo ma bei tchod’a ba na, nAlo ma yungôrâ; mam mba mi ve tam yam tchila magid’a ki tcho magid’a d’i.