Ezekiyel 7:11 - Bible azumeina

¹¹ Murud’umba ti mbut wa d’igi totogo d’a to suma na. Va mazi mba mi ar ruo d’a, ablau mazi d’a mimiyâka pî, sa mba mi ar ri, ndjondjoî mazid’a d’oze subur mazid’a mba d’i dap peyo.

Ezekiyel 7:11 Iomraidhean Croise

Sawal la giled’a 125:3

Ma te leu ma asa’atna mba mi te leud’a teteu yam suma d’ingêrâ d’i kayambala suma d’ingêrâ a mbut suma le tchod’a d’uo d’a.

Sawal la giled’a 73:8

A nga las suma, a nga de zla d’a asa’ata á le suma ndaka, a nga gun zla d’a gagazid’a mi.

Sawal la giled’a 78:64

Mam suma ngat buzuna a tchazi avun ayîna ki mbigeu d’a fiyaka, arop mazi suma modonod’a a fe nga lovota á tchi horâ d’i.

Isai 14:29

Agi Filistê-na pet, agi lagi furîd’a ala totogo d’a a togi ki d’a ti kus seyo d’i. Kayam ata har ra guguina mageid’a mba d’i vud’ï kua, andjavam mba mi vut ni dragon ma pira mi.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Jeremi 22:18

Gola! Ma didina mi de yam Jojakim Josiyas goroma amul ma Juda-na ala: Suma a mba tchi yam mat mama ala: Aya, wiyena! Aya, wiyenda d’i. A mba tchi kam ala: Aya, salana! Aya, sama ngolâ d’uo mi.

Jeremi 25:33

Kur bur máma suma Ma didina mba mi tchazina, mad’azi mba mi sam kä didi gak i avun dabid’a handagad’id’a abo hî abo hî. A mba fe sa á tchizi d’i, a mba fe sa á yozi d’i, a mba fe sa á tozozi d’uo mi, wani a mba mbut ni d’igi siligitna na kä yam andagad’a.

Jeremi 6:7

Ti nga d’i lau asa’ata d’igi golonga ti lau mbina na. Vama ang humum kurutna ni murud’umba ki djop vuna vam tu. Vama an nga ni wum kurut teteuna ni mbuleina ki ndaka.

Jeremi 7:34

An mba ni seng vun suma kur azì ma nglo ma Juda-na ki vun suma ir palum mba Jerusalem-mbina. A mba hum del sawal la furîd’a d’oze sawal la hur ma hapma d’oze sawala hi gor azong ma vatchad’a awilina d’oze sawala hi gor wei d’a teleta d’uo mi, kayam ambasa mba d’i b’lak keyo.

Ezekiyel 45:9

Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!

Ezekiyel 5:11

Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi.

Ezekiyel 5:4

Ang yo tumus ndata kua nde, ang tchugut aduk akud’a, ang ngalat teyo. Ndat mba d’i fo akud’a, ti ngal Israel-lâ woi pet.

Ezekiyel 6:11

Salad’a Ma didina mi dala: Agi tchagi abogiya, agi dadjagi asegi kä, agi tchigi ala: Alë yam asa’ata ki sun nda ndjendjed’a hi Israel-lîd’a pet. A mba tchazi avun ayîna ki baktarad’a ki tugud’ei d’a tcho d’a tchi matna.

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Ezekiyel 7:2

Ang gor sana, ang hum zla d’a an Salad’a Ma didina nga ni dat mi Israel-lîd’a. Wana ni dabid’a hahlenid’a! B’lak ka dabid’a nga d’i tcholï ata ambasa abot ma fid’ina pet.

Ezekiyel 7:23

Ang min kindjingâ, kayam ambasa ti oyâ wa ki suma tchi matna, azì ma ngolâ mi oyâ wa ki suma murud’umba mi.

Ezekiyel 8:17

Mi dan ala: Ang gor sana, ang we d’ang zu? Na ni ndjendje d’a Israel-lâ a nga lat ka hid’a ti ndagazi nga d’uo tua zu? A nga oî yam ambasa ki murud’umba á djiu hur man ma zala akulo, a nga hud’ï abo aguna atchinazi mi.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.

Amos 6:3

Agi djib’eregi ala agi walagi wa woi dei ki bur ma ndaka, wani agi hud’ugi ni murud’umba á te kagagiya.

Mise 2:2

A nga le d’od’oka yam asinena hi sumina, a hlumu, a nga le d’od’oka yam azina hi sumina, a hlum mi. A nga hurum suma ki sum mazina, a nga le sana murud’umba á hle djo mama mi.

Mise 3:3

Agi nga tagi hliwa sum mana, agi nga hôgizi babagizi woyo, agi nga kuzugizi asogozi woyo, agi nga tchalagizi woi d’igi hliu ma a tinim aku kur deinina na.

Mise 6:12

Suma ndjondjoî suma kur azì mámina huruzi mi ni oîd’a ki murud’umba, suma a nga kaka kuruma a ni suma ka zlad’a, sinazi ti de ni zla d’a mbut ira.

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.