Ezekiyel 6:4 - Bible azumeina

⁴ Yi mazi ma ngal ahle suma ngat buzu ma tetengâ mba mi mbut djona. An mba ni tozi filei mazi mafat ma tetengâ kä woyo, an mba ni tchuguzi mad’azi kä avok filei mazi ma teteng máma mi.

Ezekiyel 6:4 Iomraidhean Croise

1 Amuleina 13:2

Mi de zlad’a hi Ma didinid’a mi yima ngal ahle suma ngat buzuna ala: Ang yima ngal ahle suma ngat buzuna, ang yima ngal ahle suma ngat buzuna, ang hum zla d’a de d’a Ma didina mi data. Mi dala: Gor mandjufâ mba mi vut aduk suma hi David-na, a mba yum ala Josiyas. Mam mba mi ngal suma ngat buzu suma a tinizi ata yima nding mámina woyo! A mba ngal asok suma kang mi!

2 Amuleina 23:14

Mi to ahina d’a tcheta woyo, mi kus agu ma murguli ma a pum mi Asera-na kä woyo, mi oî asok suma yam yi máma mi.

2 Sunda Hamuleinid’a 14:5

Mi min azì ma nglo ma ad’eng ma ngungu ma Juda-na, kayam ambasa ti kak ki halasa, sama durum ayîna kur biza ndatina nga d’uo mi, kayam Ma didina mi hum lovota á tuk tamu.

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Jeremi 43:13

Mba mi to ahle suma tchet suma Bet-Semes-sâ woi yam ambas sa Ezipte-d’a, mba mi ngal azì ma filei ma Ezipte-na woi kakud’a mi.

Jeremi 7:32

Kayam ndata, Ma didina mi dala: Burâ nga mi mba, a mba yi yi máma ala Tofet toze Hor ra Ben-Hinom-mba d’uo d’a, wani a mba yum ala Hor ra Tchi Matna Kuad’a. Ni kua ba, a mba tos matna kua, kayam yima ding nga d’i.

Ezekiyel 6:13

Azi mba wala an ni Ma didina ni fata mad’azi mba mi tchuk kä aduk filei mazi ma tetengâ gen yi mazi ma ngal ahle suma ngat buzu ma tetengâ, yam yi mazi ma nding ma lara, yam ahuniyô suma fuyogei suma lara, ad’u agu ma lara ma angusâ, ad’u agu sen ma d’uf ma lara ma guguluîna, ata yima azi ngal dubang ma his djivid’ina mi filei mazina kuana pet.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

1 Samuel 5:4

Ndjivin nda mbàd’a azi we Dagon puk kä kua andaga avok zandu’â hi Ma didinina, huyogom arî mam go, kayam yam azi kabom kus seyo, a nga tchuka kä ata agu ma avun gongina.