Ezekiyel 6:3 - Bible azumeina

³ ang dazi ala: Agi ahuniyô suma Israel-lâ, agi humugi zlad’a hi Salad’a Ma didinid’a. Nga mi dagi agi ahuniyô suma nglona ki yima ndingâ ki b’irlima ki hora ala: An tanda mba ni mba kayî ma durâ yam suma a nga kaka kagina, an mba ni b’lagazi yi mazi ma akulo ndingâ woi mi.

Ezekiyel 6:3 Iomraidhean Croise

1 Amuleina 14:23

Azi min yina ata yima ndingâ, a tchet ahinad’a, a tinit akulo yam ahuniyô suma djodjohlâ kad’u agu ma d’uf ma lara ge pet mi.

Isai 27:9

Ni hina ba, a mba zlup yam tchod’a hi suma hi Jakob-mid’a. Wani ni vut ta bugol la a zlubuzi yam tcho mazid’id’a: A mba to ahina d’a a min ki yima ngal ahle suma ngat buzuna mi fileina tetenga kä woi d’igi a lut ahinad’a a mbud’ut afuta na, a mba tin vama tcheta teteng malo d’a a yat ala Asera-d’a ki filei afata teteng bugol luo d’a.

Isai 30:25

Kur bur ma ngol ma a mba tchim suma ma gongîyo suma fuyogei suma ndjola a dris kä na, toliyonda mba d’i djangî kä yam ahuniyô suma fuyogeina, kä yam yam ndindingâ mi.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 22:29

Ndak andagad’a, ndak andagad’a, ndak andagad’a, ndak hum zla d’a Ma didina mi data.

Jeremi 3:23

Gagazi, siwel la nga d’i siwel yam yima ndingâ kahuniyô suma fuyogeinid’a ni zla d’a hawa yaka. Gagazi, suta hi Israel-lîd’a ti tcholï natang ang Ma didina Alo mamina.

Jeremi 3:6

Kur atchogoid’a hi Josiyas-sa Ma didina mi dan ala: Ang we vama Israel suma a tcha tatana a luma zu? A i yam ahina d’a lara ge d’a fuyogeid’a, ad’u agu ma angus ma lara a mbut tazi gaulangâ.

Ezekiyel 36:8

Agi ahuniyô suma Israel-lâ, ar agu ma kagina mi ruyâ, ar mi vut mi man suma Israel-lâ, kayam azi ar go á hulong avo.

Sunda hi suma hi Levi-nid’a 26:25

An mba ni mba kayî ma durâ kur ambas magid’a á hlatchugulun yam vun ma djin ma an djinim ki sed’egina. Fata agi mba togogi kur azì magi ma nglonid’a, an mba ni sunï tugud’ei djabuma adigagiya, an mba ni hagi abo magi suma djangûna.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Amos 7:9

An mba ni b’lak yima ndingâ handjafâ hi Isa’â woyo, an mba ni b’lak gongîyo suma kud’ora hi Israel-lîna woyo, an mba ni ngop suma hi Jerobowam-ma kayî ma durâ mi.

Mise 6:1

Agi humugi zla d’a Ma didina mi data. Ang tchol akulo, ang le sariyad’a avok ahuniyôna, ar yima ndingâ mi humung deleng mi.

Mise 6:2

Agi ahuniyôna kandaga d’a ad’ut ta ge d’a ngingid’a, agi humugi zlad’a hi Ma didinid’a kayam Ma didina mi nga ki zlad’a ki sum mama, mi min b’ak zlad’a ki Israel-lâ.