Ezekiyel 5:12 - Bible azumeina

¹² Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ezekiyel 5:12 Iomraidhean Croise

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

Jeremi 13:24

An mba ni ndjoyôgi woi d’igi simet ma hur fulîna mi ndjoî ahlapma woi na mi.

Jeremi 14:12

Le a d’el tazi bei te tena pî, an mba ni hum tchi mazi ma hohoud’a d’i. Le a han he d’a hawa d’a ngala ki he d’a hawa d’a afuta pî, an mba ni vat abozi d’i. Kayam an min dabazi woi kayî ma durâ ki baktarad’a ki tugud’ei d’a tcho d’a tchi matna mi.

Jeremi 15:2

Le a djobong ala: Ami imi ni lara ge ni, ang hulong dazi ala: Gola! Ma didina mi dala: Nge nge pî mi nga ki vama a ngamzi kama: Suma a ngazi tugud’ei d’a tchi matna kazina, ti mba d’i tchaziya; suma a ngazi ayî ma durâ kazina, a mba tchazi avun ayî ma durâ; suma a ngazi baktarad’a kazina, mba d’i tchaziya; suma a ngazi magomba kazina, a mba yozi magomba mi.

Jeremi 15:9

Gro yogod’a kid’iziya suma tchazina asuzi ti nde tcha tata abo hur ma hata, ti seyâ, ti mid’a, afat mata ti nik kä ni falei tua, kayam ni vama zulona kad’u, blangât mi sil lei mi. Suma a arâ, an mba ni hazi abo mazi suma djangûna, a mba tchazi woi avun ayîna mi.

Jeremi 21:9

Sama lara ma mi ar kaka kur azì ma ngol ma wanina, a mba tchum avun ayîna ki baktarad’a ki tugud’ei d’a tcho d’a tchi matna. Wani sama mi nde woi mi i gen suma Babilon suma a nguyugi kä na, mba mi sut tam d’igi sama a vumï hurumba avun ayînina na.

Jeremi 24:10

An mba ni sun ayî ma durâ ki baktarad’a ki tugud’ei d’a tcho d’a tchi matna adigazi gak a dabazi woi yam andaga d’a an hat mabuyozi ngolo zlapa ki azid’a mi. An Ma didina ni de na.

Jeremi 42:22

Ki tchetchemba, agi wagi woi tetet ala a mba tchagi avun ayî ma durâ, baktarad’a mba d’i tchagiya, tugud’ei d’a tcho d’a tchi matna mba d’i tchagi kur yima agi min á i kagagi kua máma!

Jeremi 44:27

Gola! An nga ni tin iran kazi ná mbazi ndaka kaziya, ná mbazi djivid’a kazi d’i. Suma Juda suma kur ambas sa Ezipte-d’ina a mba dabazi woi avun ayîna ki baktarad’a gak dabi mazid’a.

Jeremi 9:15

Kayam ndata, an Ma didin ma ad’engên kal petna, Alona hi Israel-lîna, nga ni he te ma aglarâ mi sum ndazina, an mba ni hazi mbiyo ma tchi matna á tched’a mi.

Jeremi 9:16

An mba ni ndjoyôzi woi aduk andjaf suma abuyozi ngolo a wazi d’oze azi tazi a wazi nga d’uo na, an mba ni sun ayî ma durâ blogozi gak ni dabazi woyo.

Ezekiyel 12:14

Azungeî suma a nguyuma, azigar mam suma a nga ngomoma zlapa ki azigar suma dingâ pet, an mba ni ndjoyôzi woi ata andagad’a abot ma fid’ina. An mba ni digizi blogozi kayî ma durâ.

Ezekiyel 14:17

D’oze le an mba kayî ma durâ yam ambas ndata, le an ni dala: Ar ayî ma durâ mi b’rau woi hurud’u, le an tchi suma woi ki d’uwarâ,

Ezekiyel 14:19

D’oze le an sunï tugud’ei d’a tcho d’a tchi matna kur ambas ndata, le an ngobozi ki hur man ma zal ma gugulu’â á tchi suma woi ki d’uwarâ,

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 16:42

An mba ni ar hur man ma zal ma ka’â, an mba ni ar yungôr man ma ka’â, an mba ni vat hurun ndeyo, an mba ni zal hurun nduo d’a.

Ezekiyel 21:22

An pî mba ni tchi abon mi, mba ni ndak vun ayî mana. Ni an Ma didina ba, ni de na.

Ezekiyel 24:13

Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Ezekiyel 33:27

Wana ni zla d’a ang dazizid’a: Ang dazi ala: An Salad’a Ma didin ma bei matna ba na ni dala: Suma a ar kaka kur azì ma ngol ma b’lak keina, a mba tchaziya. Suma a nga kaka abagei kelâ, ambureina a mba vigiziya. Suma a nga kaka aduk agud’a kangra ahuniyônina, tugud’ei d’a tcho d’a tchi matna mba d’i tchazi mi.

Ezekiyel 36:19

An ngobozi yam tit mazid’a ki sun mazi d’a led’a, an ndjoyôzi woi aduk andjaf suma dingâ, a b’rau kaka woi kur ambasa teteng mi.

Ezekiyel 43:8

Amulei mazina a min vun gong mazid’a ki yi mazi ma ndjendjek ma a djak kakulo avun gonga hazì mazinina go ki vun gong manda, go ki yi man ma ndjendjek ma a kal ki krovo kur gong man nda kud’orina mi. Wani ni gulumuna ba, mi walami adigami woi kaziyaziya. Ni hina ba, a mbud’un simiyên Ma bei tchod’a ba na ndjendjed’a. Ni kayam ndata ba, an b’lagazi woi kayî mana wana.

Ezekiyel 5:10

Ni kayam ndata ba, abuyod’a a mba mut grozina adigagiya, grod’a a mba mut abuyozi adigagi mi. An mba ni ka sariyad’a yam suma a mba ar adigagina, an mba ni ndjoyôzi woi ata andagad’a abot ma fid’ina.

Ezekiyel 5:17

An mba ni sunugï baktarad’a kamburei suma ayîna, a mba dabagi grogina woyo. Tugud’ei d’a tcho d’a tchi matna ki murud’umba kayî ma durâ a mba mba kagiya. Ni an Ma didina ba, nga ni dagiya.

Ezekiyel 5:2

Le bur ma a ngui azina kä na mi ndak wa ni, ang hle wal la ding tu, ang ngalat tei kur azì ma ngolâ kaku boloma, ang hle wal la mbàd’a, ang kat aduk kei ki mbigeu mang nga fiyaka, ang ngui azì ma ngolâ woi d’uhl. Ang hle wal la dabid’a, ang yagat akulo aduk simetna. An mba ni digit ad’ut ki mbigeu man nda fiyaka.

Ezekiyel 6:8

Wani fata an mba ni ndjoyôgi woi yam ambasa tetenga, an mba ni sut suma dingâ adigagiya. Ni suma a mba sut avun ayî ma durâ aduk andjaf sumina.

Ezekiyel 7:15

Ayîna nga mi dur rei abua, tugud’ei d’a tcho d’a tchi matna ki baktarad’a a nga krovo mi. Sama sä woi abagei kelâ, a mba tchumza avun ayîna; sama nga kä hur azì ma ngolîna, baktarad’a ki tugud’eid’a a mba tchum mi.

Ezekiyel 7:3

Ki tchetchemba, dabid’a mba wa kagiya. An mba ni mba atagi kayî mana, an mba ni kagi sariyad’a kagi yam tit magid’a, an mba ni wuragagi yam sun magi d’a ndjendjed’a mi.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Amos 9:4

Le mazi suma djangûna a yozi a izi avo hatazi pî, an mba ni he vuna a mba tchazi sä kua, an mba ni tin iran kazi ná lazi djivid’a d’i, wani ná lazi tchod’a.

Amos 9:9

Gola! An he wa vuna, a mba yik Israel-lâ aduk andjaf suma d’igi a yik awuna na bei ir nde kä andaga tu ba.

Zakari 7:14

An ni ndjoyôzi woi aduk andjaf suma ding suma azi wazi nga d’uo na. Ambas mazid’a ti b’lak kei blogoziya. Sama mi nde woi kua mi hulong mi kal kuana nga d’i, ambas sa djivid’a, azi mbud’ut djona.

Gat ta a hat á mbàd’id’a 28:65

Aduk andjaf sum ndazina agi mba kagagi tchugot ti, agi mba fagi yima kak ma djivina d’i. Ma didina mba mi pad’agi vunadigagi fek; agi mba mbud’ugi hohoud’a, agi mba kagagi ni ki yor tad’a mi.

Vama ndum mbeina 6:8

An gola, an we akulum ma bolona. Ma nga kama a yum ala Matna. Yima azuleina nga mi tit blogomu. Andagad’a abot ma fid’ina, a hazi ad’enga yam abot ma tuna á tchi suma woi ki mbigeu d’a fiyaka ki baktarad’a ki tugud’eid’a kazurei suma ayî suma yam andagad’ina mi.