Ezekiyel 47:10 - Bible azumeina

¹⁰ Bugola, suma tchiuna a mba tchol avun mbiyo máma. Tinï ad’ud’a En-Gedi dei gak mba En-Eglayim a mba war abei mazina kua. A mba vik andjaf kulufâ teteng d’igi andjaf kuluf ma nga kur alum ma ngol ma Mediterane-na na.

Ezekiyel 47:10 Iomraidhean Croise

Ad’u Tinda 14:7

Azi hulongî a mba kur En-Mispat, nala, Kades, a kus yam suma Amale’â yam andaga mazid’a pet, a kal yam suma Amor suma a nga kaka yam ambas sa Hazazon-Tamar-ra mi.

2 Sunda Hamuleinid’a 20:2

Suma a mba de mi Josafat ala: Azigarâ ablaud’a hina mimiyâk a nga djï atang durâ, a tcholï nabo apo d’a Matna abo hî yam ambas sa Edom-mba dei. Ki tchetchemba, a mba nga Hasason-Tamar, nala, En-Gedi.

Sawal la giled’a 104:25

Gola! Alum ma ngol ma bendenga heî ma sana mi ndak á wum gongôd’i mamba d’uo na, ahle suma gureina kahle suma nglo suma sana mi ndak á ndumuzi d’uo na, a nga nus kä kuru.

Isai 19:8

Suma tchiuna a mba zam taziya, suma pet suma a gun tunglîd’a kä kur alum ma Nil-lîna a mba yor taziya, suma a tchiu kabei ma nglona hur alumina a mba mbut hohoud’a mi.

Isai 49:12

Gola! Suma sä deina a nga djïya. Gola! Suma dingâ ni suma abo ma norâ, suma dingâ ni suma abo ma fladegena, suma dingâ ni suma a tcholï yam ambas sa Sinim-mbina mi.

Isai 49:20

Grok suma a dap peina a mba dugud’ok ded’a humak ala: Yina kid’agamiya. Minimi yina, ami kagami kua.

Ezekiyel 26:14

An mba ni arî ahinad’a tchola vat hina, agi mba mbud’ugi ni yima war abeina, a mba minigi akulo d’uo d’a, kayam ni an Salad’a Ma didina ba ni de.

Ezekiyel 26:5

Azì magi ma Tir-râ mba mi mbut ni d’igi til la kur alum ma ngolâ d’a a war abeina kuad’a na. Kayam ni an Salad’a Ma didina ba, ni de zlad’a, mba mi mbut ni vama ved’a handjaf sumina.

Ezekiyel 47:15

Haga d’a abo ma norîd’a mba d’i tinï ad’ud’a avun alum ma ngol ma Mediterane-na, mba d’i hleï kur lovot ta kal Hetlon ki Lebo-Hamat ki Sedat-ta.

Ezekiyel 47:19

Haga d’a abo ma sutnid’a mba d’i tinï ad’ud’a ni Tamar dei gak ti mba kur mbiyo ma Meriba ma Kades-sâ, mba d’i hleï kur lovot ta i avun toliyon nda Ezipte-d’a gak mba d’i i avun alum ma ngol ma Mediterane-na. Wana ni haga d’a abo ma sutnid’a.

Ezekiyel 48:28

Hagad’a handagad’a hi Gad ta abo ma sutnid’a ni hagad’a hi Israel-lîd’a dabi mata mi. Mba d’i tinï ad’ud’a Tamar abo ma yorogona dei gak ti mba kur mbiyo ma Meriba ma Kades-sâ, mba d’i hleï kur lovot ta i avun toliyon nda Ezipte-d’a dei gak mba d’i i avun alum ma ngol ma Mediterane-na.

Ndumba 34:6

Haga magi d’a abo ma fladegenid’a nalum ma ngol ma Mediterane-na. Ni mam ba, mba mi ar haga magi d’a abo ma fladegenid’a.

Matiye 4:19

Jesus mi dazi ala: Agi mbeyegï ad’unu; an mba ni mbud’ugi suma tchiu suma.

Marik 1:17

Jesus mi dazi ala: Agi mbeyegï ad’unu; an mba ni mbud’ugi suma tchiu suma.

Josue 15:62

Nipsan, Ir-Hamela ki En-Gedi. Azì ma nglona ni karagaya kazì mazi ma gureina mi.

Josue 23:4

Gola! An b’rawagiya wa andagad’a handjaf suma an kus kazina ki d’a hi suma an ar bei kus kazina aduk alum ma Jurdê-na abo ma yorogona kalum ma ngol ma Mediterane-na abo ma fladegena djona ki togina ad’u andjavagi ad’u andjavagiya.

1 Samuel 24:1

David mi tchol ata yi máma, mi i ata yima ngeid’a En-Gedi, mi kak sä kua.