Ezekiyel 46:1 - Bible azumeina

¹ Salad’a Ma didina mi dala: Vun agre’â hatrang nga krovod’a ma abo ma yorogonina mba mi arî duka kur bur ma le sunda gak burâ karagaya, wani a mba malam mbei ni kur bur ma sabatna d’oze kur bur ma tilâ mi deî awilina mbeî.

Ezekiyel 46:1 Iomraidhean Croise

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

1 Sunda Hamuleinid’a 9:18

Nga mi ngom vun agrek ma abo ma yorogona hamulîna gak ini. Azi ni suma ngom vun agre’â kur kangâ hi suma hi Levi-nina.

Buzuk ka Abud’a 20:9

Ar ang le sun manga gak burâ karagaya, ar ang dap sun manga kua pet.

Isai 66:23

Ma didina mi dala: Kur deîd’a hi til ma lara ge pet, kur bur ma sabat ma lara ge pet, andjaf suma pet a mba kud’uronu.

Ezekiyel 10:3

Ata yima sa máma mi mbaza kuana, tcherebêna a nga tchola ata gonga abot ma ndjufâ, d’ugula ti oî atrang nga krovod’a hurut mi.

Ezekiyel 40:19

Sa máma mi nga yima aduk avun agrek ma abuna ki ma krovona abo ma yorogona kabo ma norâ mi. Adigazi ni metred’a dok vahl.

Ezekiyel 43:1

Sa máma mi hlan avun agrek ma abo ma yorogonina.

Ezekiyel 46:12

Le amulâ mi min han he d’a hawa d’a kur min mambid’a, le ni he d’a hawa d’a ngala d’oze ni he d’a hawa d’a zlap darigïd’a ni, a malamî vun agrek ma abo ma yorogona hatrang nga krovod’ina. Mam he he d’a hawa mamba d’igi nga mi hat kur bur ma sabatna na. Bugola, mi nde woi abua. Ata yi máma a duk vun agre’â blogomu.

Ezekiyel 46:3

Kur bur ma sabatna d’oze kur bur ma tilâ mi deî awilina, suma pet a mba avun agrek máma á kud’uron an Ma didina.

Ezekiyel 46:6

Kur bur ma tilâ mi deî awilina, mi hamuhlâ tu, gro tumiyôna karagaya ki gamlâna tu suma bei daka ba na he d’a hawad’a.

Ezekiyel 8:16

Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.

Wana ni Zla d’a Djivi d’a Luc mi b’irita 13:14

Ma ngolâ hi gong nga tokina, hurum zal yam Jesus kayam mi sut suma tugud’eid’a kur bur ma sabatna. Mi de mablau suma ala: Burâ karagaya nga, ndak yam suma á le sun mazid’a. Agi mbagi kur bur máma kayam mi sud’ugi woi kur tugud’ei magid’a. Wani agi mbagi kur bur ma sabatna d’i.