Ezekiyel 44:9 - Bible azumeina

⁹ Kayam ndata, an Salad’a Ma didina ni de woi mbak ala: Angei ma lara pî ma bei ngad’am bayâd’a ma mi ge nga yam kä ad’u vun man ma hed’a d’uo na, le mi nga ni kaka adigagi agi Israel-lâ pî, mba mi kal kur gong man nda kud’ora d’i.

Ezekiyel 44:9 Iomraidhean Croise

Sawal la giled’a 24:3

Ni nge ba, mi ndak á djak akulo yam ahinad’a hi Ma didinid’a ge? Ni nge ba, mi ndak á tchol ata yam ma a kud’urom kuana ge?

Sawal la giled’a 50:16

Wani Alona mi de mi sama asa’atna ala: Ang ma noî ngop manda woina, ang ma tchuk zla manda woi kazigangâ, le ang ndum gat manda woi avok suma, le ang nga ki vun man ma djinda navunang go ni, djivi mata ni me ge?

Sawal la giled’a 93:5

Ma didina, vun mang ma hed’a mi ndak memet, ar ang tin gong manga irat vat gak didin.

Buzuk ka Abud’a 12:48

Le sama ding ma nga kaka avo hatangâ mi min á le vun til ma Pa’â á he ngola mi an Ma didina ni, ar gro andjof suma avo hatama pet a ngad’azi bayâd’a. Ata yi máma mba mi zlap ki sed’egi á le vun tilâ; sa máma mi mbut ni gor vuta. Wani ar sama bei ngat bayâd’a mi te Pak máma d’i.

Ezekiyel 44:7

Ata yima agi mbagi kangoyogei suma bei a ngad’azi bayâd’a suma a ge nga yazi kä ad’u vun man ma hed’a d’uo na kur gong man nda kud’orina, agi mbud’ut ndjendjed’a. Ata yima agi nga hagi avungô mana ki mbulâ ki buzuna he d’a hawad’a mi filei magi ma ndjendjed’ina, agi bud’ugi ni vun man ma djin ma an djinim ki sed’egina woyo.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Sunda hi suma hi Levi-nid’a 26:41

azi mba wala ni an ba ni tchol ad’enga ki sed’ezi ni izi yam ambasa hi mazi suma djangûnid’a mi, azi mba ge yazi kä yam hur mazi ma b’ala, azi mba wala azi le ni tchod’a mi.

Zakari 14:21

Duguyo suma Jerusalem-ma pet ki duguyo suma Juda-na a mba tinizi irazi vazi mi Ma didin ma ad’engêm kal petna. Suma a mba mba á hahle suma ngat buzunina a mba yi ki hliuna. Kur bur máma a mba fe sama mbut abom kur gong nga kud’ora hi Ma didin ma ad’engêm kal petna d’uo d’a.

Marik 16:16

Sama mi he gagazid’a a mba lum batembina, mba mi fe suta, wani sama mi he nga gagazid’a d’uo na, sariyad’a mba d’i vumu.

Gat ta a hat á mbàd’id’a 23:4

kayam azi d’ugulogi nga kavungôna ki mbina d’i. Azi wurak Baläm Beyor gorom ma nga kur azì ma Petor ma nga yam ambas sa Mesopotami-d’ina á gagi vuna.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.