Ezekiyel 44:4 - Bible azumeina

⁴ Bugola, sa máma mi hlan avun agrek ma norâ, mi mban avun gong nga kud’ora hAlonid’a. An gol yina, ni we subura hi Ma didinid’a ti oî gong mam mba kud’ora. An grif kä avoromu.

Ezekiyel 44:4 Iomraidhean Croise

Ad’u Tinda 17:3

Abram mi ge tam kä ki iram andaga avoromu. Alona mi hulong dum ala:

Sawal la giled’a 89:7

Ma didina, ma kur akulod’a ma mi nga tam ki sed’engâ nga d’i, alo ma hle tam d’igi ang na na nga d’uo mi.

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Ezekiyel 10:4

Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi.

Ezekiyel 3:23

An tchola, an i kur hora. Gol wani, subura hi Ma didinid’a nga tchola d’igi sana na hle tat d’igi subur ra an wat avun alum ma Kebar-rid’a na. Ata yi máma an ge tan kä avoromu.

Ezekiyel 40:20

Mi nga vun agrek ma abo ma nor ma mi i hur atrang nga abud’ina fiyagam ki bubuwam mi.

Ezekiyel 40:35

Bugola, sa máma mi hlan avun agrek ma abo ma norîna, mi ngamu. Fiyagam ki bubuwamî d’igi vun agrek ma tetengâ na mi.

Ezekiyel 40:40

Abu avun gong ndata, tabulâ fid’i nga kua. Ata yima sana nga mi mba á djak akulo avun agrek ma abo ma norîna, mi we tabul ma fid’i máma, mbà abo hî, mbà abo hî mi.

Ezekiyel 8:14

Mi in avun agre’â hi gong mam mba kud’ora ma abo ma norîna. Gol wani, aropma a nga kaka kä, a nga tchi horâ yam alo ma a yum ala Tamus-sâ.

Daniel 8:17

Gabriel mi hut geven ata yima an nga tchola kuana. An le mandarâ, an puk kä ki iran andaga. Wani mi dan ala: Ang gor sana, ang huma. Vama nde tam mbei irang máma ni yam dabid’a hatchogoid’id’a.

Wana ni mbaktumba hi Aze-d’a 2:7

An mba ni mbut andjaf suma pet batuwak; ahle mazi suma ndjondjoîna pet a mba mba ki sed’ezi ka hî, an mba ni subur gong nga kud’or ra wanda.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Vama ndum mbeina 1:17

Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.