Ezekiyel 43:11 - Bible azumeina

¹¹ Le azi nga le zulona yam tcho mazi d’a led’a gagazi ni, ang tagazi mbaktum mba ngad’a yam yina hi gong mandina, ang vazi ad’ud’a yam gongîyo suma tetengâ ki huruzi ma krovona, yam vun agrek ma kala ki ma a buzuk ki woi abuna, yam nga mamba ki zla tat pet mi. Ang b’ir gata ki vun ma hed’a yam ahle ndazina kä irazi na, ang tagazizi djiviya, kayam azi laziya, a tit kazi mi.

Ezekiyel 43:11 Iomraidhean Croise

Ezekiyel 11:20

tala agi tid’igi yam gat manda, agi ngomogi vun man ma hed’a mi d’a. Hina wani, agi mba mbud’ugi sum mana, an mba ni arî Alo magina mi.

Ezekiyel 12:3

Ang gor sana, ang min ahle mang suma akoid’a kä ir suma a mba yozi magombina, ang nde woi ni irazi falei na. Ang nde woi ata yima ang nga kaka kuana á i ata yima dingâ kä woi irazi na. Dam azi mba wala azi nandjaf ma bei hum vuna kla.

Ezekiyel 36:27

An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi.

Ezekiyel 43:10

Ang gor sana, ang vad’ud’a yam ngad’a hi gong mandid’a mi Israel-lâ. Ar zulona mi vazi yam tcho mazi d’a led’a pet, ar azi min tazi á gol ngad’a hi gong mandid’a djivi mi.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Jean 13:17

Le agi wagi ahle ndazina, le agi lagi sunda kazi mi ni, agi lagi furîd’a.

1 Korente-na 11:2

An nga ni suburugi kayamba agi nga djib’eregi kan kur ahlena peta, agi nga tid’igi yam hat ta an had’agizid’a mi.

Hebre-na 8:5

Kayam suma a nga le sunda hahle ndazinina, ni vama taka yam angus vama akulona. Ata yima Moise mi nga mi min á ve zlub’ud’ina, Alona mi dum ala: Ang gol tang djivi ang lahle ndazina pet dedege d’igi an tagangzï akulo yam ahinad’a na.