Tcherebêna a nga gigingâzi á pir rei akulo yam andagad’a, an wazi a nga i zlapa kabo pusâ. A tchol avun yima kala hi vun agre’â hi gong nga kud’ora hi Ma didinid’ina abo ma yorogona, subura hAlona hi Israel-lîd’a ti nga kazi akulo mi.
Ata yima sa máma mi dap gongîyo suma kur gulumun ma ngui yima suma a kud’or Alona kuana ngad’a dapma, mi ndan ndei abu avun agrek ma abo ma yorogonina. Bugola, mi tin ad’ud’a á nga yima ngui gongina.
Ma didina mi dan ala: Vun agrek máma mba mi arî duka na, ar sa mi malam mbei d’i. Sa mba mi kal kua d’i, kayam an Ma didina Alona hi Israel-lîna ni kal kua da’. Mba mi arî duka na.
Salad’a Ma didina mi dala: Vun agre’â hatrang nga krovod’a ma abo ma yorogonina mba mi arî duka kur bur ma le sunda gak burâ karagaya, wani a mba malam mbei ni kur bur ma sabatna d’oze kur bur ma tilâ mi deî awilina mbeî.
