Ezekiyel 41:1 - Bible azumeina

¹ Sa máma mi in kur gong nga kud’ora hAlonid’a hurut ma ngola, mi nga yina mi. Gulumun ma ata yima a kal kuana, fiyagamî metred’a hindi abo hî, hindi abo hî mi.

Ezekiyel 41:1 Iomraidhean Croise

1 Amuleina 6:1

Salomon mi tin ad’u min gong nga kud’ora hi Ma didinid’a ni kur biza d’a 480 bugol la Israel-lâ a buzuk kei kur Ezipte-d’a; ni kur biza d’a fid’i d’a Salomon mi kak amula yam Israel-lîd’a. Mi tin ad’u sunda ni kur til ma Zif-fâ, nala, til ma mbàna hi biza ndatina.

1 Amuleina 6:2

Gong nga amulâ Salomon mi minit mi Ma didina á kud’uromba, fiyagat ni metred’a dok hindi, bubuwat ni metred’a dogo, fiyagat ta akulod’a ni metred’a dogo yam vahl mi.

Ezekiyel 40:17

Sa máma mi in hur atrang nga abu d’a hur gongîyona dok hindi a nguyuta. Atrang ndata ti ni mbud’a d’andrang.

Ezekiyel 41:21

Agu ma avun gong nga a kal ki kur gong nga ngolina a minim nabo tam tu. An we vana avun Yima a tinim iram vam ma kal teglesâ d’igi

Ezekiyel 41:23

Vun ma a kal ki kur Yima a tinim iram vama ki vun ma a kal ki kur Yima a tinim iram vam ma kal teglesîna, a ni ki bapma zlapa mbàmbà abo hî abo hî.

Ezekiyel 41:3

Bugola, sa máma mi i kur gong nga azuta, mi nga yima a kal kuana. Fiyagamî metred’a tu, bubuwamî metred’a hindi. Gulumun mama ni metred’a hindi ki nusa abo hî abo hî mi.

Ezekiyel 42:1

Bugola, sa máma mi in hur atrang nga abud’a, mi mban go ki gong nga ti nga abo ma norâ hi gong nga kud’ora hAlona d’a irat ir gong nga nga huyok gong ndatid’a.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

Vama ndum mbeina 21:15

Malaika ma nga mi dan zlad’ina, mi nga kakei d’a lor ra nga ahlena abom á nga azì ma ngol máma ki vun gulumun máma.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.