Ezekiyel 39:8 - Bible azumeina

⁸ Gola! Ahle ndazina a nga djïya, a mba le! Ni bur ma an de zlad’a kama! An Salad’a Ma didina ni de na.

Ezekiyel 39:8 Iomraidhean Croise

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Ezekiyel 33:33

Fata ahle suma ang dazi woina a mbad’a, ata yi máma azi mba wala ma djogon vunana mi nga adigaziya. Gola! Ahle ndazina a nga djïya!

Ezekiyel 38:17

Salad’a Ma didina mi dang kua ala: Angî ma an de zlad’a kang adjeu dei avun azungeî man suma djok vun suma Israel-lîna d’uo zu? Bizad’a ki bizad’a a nga djok vuna kang ala ang mba mba á dur ayîna ki sum mana mi d’uo zu?

Ezekiyel 39:7

An mba ni tak simiyên Ma tin tan irat vat yam man suma Israel-lîna, an mba ni ar suma a ngulun simiyên Ma bei tchod’a ba na d’uo d’a. Hina wani, andjaf suma a mba wala an ni Ma didin ma tin tan irat vat yam man suma Israel-lîna.

Ezekiyel 39:9

Bugol bur máma, suma a nga kaka kur azì ma ngol ma Israel-lîna a mba buzuk kei abua, a mba ngal ahle suma sïna woyo. Azi mba yo mboriyo suma nglona ki suma gureina, ir yeûd’a kaguwad’u, mbuguyona kasubiyona, a mba tchuguzi akua. Akud’a mba d’i ngalazi gak bizad’a kid’iziya.

2 Pierre 3:8

Wani buniyôn suma od’a, agi maragi yam zla d’a tu d’a wanda d’i: Bur tu ir Salad’a ni d’igi bizad’a dubu na, biza d’a dubud’a ni d’igi burâ tu na mi.

Vama ndum mbeina 16:17

Malaika ma kid’iziyana, mi vo mama akulo aduk simetna. An hum del la ngola ti ndeï kur gong nga kud’ora hAlonid’a, ata yima zlam mba amula nga kuana ala: Ndak wa da’.

Vama ndum mbeina 21:6

Mi dan kua ala: An le wa da’. An ni Alfa, an ni Omega, an nAd’u tinda, an ni Yam mba dabid’a mi. Sama vunam sona, an mba ni hum mbiyo ma lau ma arina á tched’a hawa.