Ezekiyel 39:6 - Bible azumeina

⁶ An mba ni gakud’a yam Magok, yam suma a nga kaka kur tila ki halasina mi. Ata yi máma sum ndazina a mba wala an ni Ma didina.

Ezekiyel 39:6 Iomraidhean Croise

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 25:22

An hum mamulei suma Tir-râ pet, mamulei suma Sidon-na pet kamulei suma a nga kaka yam tila sä abo alum ma ngolâ abo hî na mi.

Ezekiyel 30:16

An mba ni do azì ma Ezipte-na akud’a. Suma Sin-na a mba zlaga, suma a mba hulut ir gulumun ma No-na teteng, suma djangûna a mba hle Nof fî falei d’ad’ar.

Ezekiyel 30:8

Fata an do akud’a ata azì ma Ezipte-na á dap suma a ndjunuma woi peta, azi mba wala an ni Ma didina.

Ezekiyel 30:9

Kur bur máma an mba ni sun suma sunda avoron ki batod’a á mbut suma Etiyopi-na mandarâ kur kak mazi d’a tchugota. Ndaka mba d’i mba kazi ngola kur bur ma an mba ni ka sariyad’a yam suma Ezipte-nina. Gola! Ahle ndazina a nga mba.

Ezekiyel 37:6

An mba ni mba ki sideina atangû, an mba sang hliwingû, an mba ni zlubung babaka atangû, an mba ni hang muzu’â, ang mba zlit akulo, ang mba wala an ni Ma didina.

Ezekiyel 38:11

Ang mba dala: An i ni nde suma a nga kaka ki halasa ki tchugota kur ambas sa azì mat ma nglona gulumun nga kam mbi, vun agrek mam nga duka ki kawei ma murgulina d’uo mi na durâ.

Ezekiyel 38:13

Suma Seba-na ki suma Dedan-na ki suma mbut abozi suma Tarsis-sâ ki suma a nguyuzina pet a mba djobong ala: Ang mba ná yo ahlena zu? Ang tok azigar ndazina ná hurumba, ná yo kawei ma hapma ki lora ki d’uwar mazina ki ndjondjoî mazid’a á oî ahlena abong ngola zu?

Ezekiyel 38:2

Ang gor sana, ang mbut irang ata Gok amul ma ngolâ hi suma Ros-sâ hi suma Mese’â hi suma Tubal ma nga yam andaga d’a Magok-kina, ang djogom vuna,

Ezekiyel 38:6

Azigar suma Gomer-râ ki azigar suma Bet-Togarma suma a tcholï ad’u dabid’a habo ma norîna a mba i durâ ki sed’eng zlapa kandjaf suma dingâ teteng ablaud’a mi.

Ezekiyel 39:5

Ang mba puk kä yam andagad’a, kayam an Salad’a Ma didina ni de na.

Amos 1:10

an mba ni do akud’a ata gulumun ma Tir-râ, ti mba d’i ngal azì ma ad’eng ma ngunguna woi mi.

Amos 1:4

An mba ni do akud’a ata azì ma amula hi Hazayel-lâ, ti mba d’i ngal azì ma ad’eng ma ngunguna hi Ben-Hadat-na woi mi.

Amos 1:7

an mba ni do akud’a ata gulumun ma Gaza-na, ti mba d’i ngal azì ma ad’eng ma ngunguna woi mi.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Vama ndum mbeina 20:8

Mam mba mi i á lop andjaf suma a b’rau woi yam andagad’a petna, nala, Gok ki Magok. Mba mi togozi á dur ayîna. Ablau mazid’a ni d’igi les ma avun alum ma ngolîna na.

Vama ndum mbeina 20:9

Azi i yam andagad’a pet, azi ngui yima kaka hi suma hAlonina kazì ma ngol ma Alona mi le kama. Wani akud’a ti tcholï akulo mba d’i ngalazi woyo.

Suma ka sariyad’a 18:7

Suma vahl ndazina a iya, a mbaza Layis, a fe sumazina a nga kaka ki halasa tchugot d’igi suma Sidon-na na, ki halasa bei djib’era ba. Sa mi nga gevezi á lazi ndak koze á te kazi d’uo mi. Azi ni kaka woi dei ki suma Sidon-na, azi ve nga bana ki suma ding nguo mi.