Ezekiyel 39:10 - Bible azumeina

¹⁰ Azi a mba yoï agu abagei d’i, azi mba kaï agu aduk agud’a d’uo mi, kayam nahle suma sï ndazina ba, azi mba ngalazi avo hataziya, azi mba yoï ahlena abo suma a yo ahle mazinina, a mba hurumï ahlena abo suma a hurumuzina. An Salad’a Ma didina ni de na.

Ezekiyel 39:10 Iomraidhean Croise

Buzuk ka Abud’a 12:36

Ma didina mi mbut Israel-lâ djivid’a ir Ezipte-na. Azi hazi ahle suma azi tchenezi kazina; ni hina ba, a yo ahlena hi Ezipte-na.

Buzuk ka Abud’a 3:22

Atcha d’a lara pî mba d’i djop ndrat ta azina d’oze d’a kak avo hatata ahle suma a lazi ki kawei ma hapmina kahle suma a lazi ki lorina ki baruna mi. Agi tchuguzi ata grogi suma andjofâ ki grogi suma aropma. Hina wani, agi mba yogi ahlena hi Ezipte-na.

Isai 14:2

Andjaf suma dingâ a mba yozi izi kur ambas mazid’a yam andagad’a hi Ma didinid’a. A mba tazi djona d’igi magumei suma andjofâ ki suma aropma na, a mba yo suma a yozi magomba adjeuna magomba, a mba te yam suma a te kazi adjeu kad’engina mi.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Ezekiyel 39:11

Ata yi máma an mba ni he yina á ka zula mi Gok yam andaga d’a Israel-la kur hora hi suma titid’a, ti nabo ma yorogona hapo d’a Matna. Zul ndata mba d’i d’el lovota mi suma tita. Ni kua ba, a mba tos Gok kablau mamba pet. A mba yi hor ndata ala Hora hablaud’a hi Gok-ka.

Mise 5:8

Ang hlabong akulo yam mang suma djangûna, ar ang kizagazi woi pet!

Habakuk 2:8

Kayam ang hurum andjaf suma ablaud’a heî, ad’uzi d’a ar pet wanda a mba hurumung ang mi. Ni kayam tchi d’a ang tchi sumid’a, ni kayam b’lak ka ang b’lak ambasa kazì ma ngolâ ki suma a nga kuruma mi d’a.

Habakuk 3:8

Na ni Ma didina, ang hurung zalî yam toliyonda zu? Na ni ang hurung zalî yam aluma zu? Ang nga djulul kayîna ata yima ang ful yam akulumeina, ang ful kur pus mang ma kus ayînina ni yam alum ma ngolâ zu?

Zakari 14:14

Suma Juda-na a mba dur yam Jerusalem, a mba tok ndjondjoîd’a handjaf suma a nguyutna pet, nala, lora ki kawei ma hapma ki baruna ablaud’a mi.

Matiye 7:2

Alona mba mi kagi sariyad’a kagi ni d’igi agi nga kat yam suma dingâ na mi. Mi mba mi ngagi ni ki nga d’a agi nga ngagi ki mi suma dingîd’a mi.

Vama ndum mbeina 13:10

Wani sama a ngam yam dangeinina, mba mi i kur dangeina; sama a ngam á tchid’a ki mbigeu d’a fiyakina, a mba tchum ki mi. Wana ni ve tad’a hi suma hAlona suma a he gagazid’ina.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.