An mba ni togï tumiyô mana ad’uzi d’a ara kur ambas sa lara ge d’a an digizi woi kuad’a, an mba ni togozi kur kangâ mazina; a mba vut ablaud’a, a mba zul ndjondjoî mi.
Gola! An nga ni hulongî ki sed’ezi abo ma norâ, an mba ni togozi avun dabid’a handagad’id’a. Suma duka ki suma dileîd’a, arop suma wirâ ki suma huruzi nga tazi á vutina, ki zla tazi pet a mba tok tok ka ngola ka hî.
Ni kayam ndata ba, ang i dazi ala: Salad’a Ma didina mi dala: An mba ni togogï aduk suma, an mba ni yogï kur ambas sa an ndjoyôgi woi kuad’a, an mba ni hagi andagad’a hi Israel-lîd’a.
Fata an buzugugï woi aduk andjaf suma mba ni togogï yam ambas sa an ndjoyôgi woi kuad’id’a, an mba ni vagi atan d’igi vama ngat buzu ma his ma afufuîna na, agi mba han ngola avok andjaf suma.
ang dazi ala: Agi ahuniyô suma Israel-lâ, agi humugi zlad’a hi Salad’a Ma didinid’a. Nga mi dagi agi ahuniyô suma nglona ki yima ndingâ ki b’irlima ki hora ala: An tanda mba ni mba kayî ma durâ yam suma a nga kaka kagina, an mba ni b’lagazi yi mazi ma akulo ndingâ woi mi.
Kayam an mba ni mbut ni d’igi azlona na yam suma Efraim-ma, d’igi azlo ma azongâ na yam suma Juda-na, an mba ni kizaga, ni ge tan ni iya, an mba ni ve va, sama mba mi prud’um abona nga d’i.
An hurun nga mi zal yam suma pol suma ding suma a nga yi tazi ala azi ni suma pol sum mana na. An mba ni mba á ngoboziya. Gagazi, an Ma didin ma ad’engên kal petna nga ni dala: An mba ni ngom d’uwar man suma Juda-na, an mba ni i ki sed’ezi ata yima durâ d’igi akulum ma subura na.
Kur bur máma Salad’a Alo mazina mba mi sud’uzi d’igi ma pola mi sut d’uwar mama na, azi mba wile yam ambas mamba d’igi ahina d’a guzut kal tegles sa ata kadamulid’a na.
An nga ki tumiyô suma dingâ kua, suma a nga kur kangâ ma wana d’uo na. Mbeî an mba ni mbazi kur mi. Azi mba humun delenu, azi mba mbut ades ma tuna, ma polozina ni tu mi.
Ki tchetchemba, agi wagi woi ala ni an tu ba nAlona. Alo ma ding nga ki sed’en ndi. Ni an ba ni tchi sana; ni an ba ni ar sana karid’a; ni an ba ni ka sana mbilâ; ni an ba ni tchilim mbilim mi. Sama ndak á prut sana woi abona nga d’i.