Ezekiyel 33:5 - Bible azumeina

⁵ Mi mit ni yam tcho mamba, kayam mi hum adif fa ge humba, mi golot is. Ladjï mi golot is suo ni, mi sut ni tamu.

Ezekiyel 33:5 Iomraidhean Croise

2 Amuleina 6:10

Kayam ndata, amul ma Israel-lâ nga mi sun azigarâ yam dodogo á ndjol yima Elise mi dum kam ala: Ang gol tang djiviya na. Ahle ndazina a le ni yazi ablaud’a.

Sawal la giled’a 95:7

Kayam mam mi Alo meina, ei ni suma mi poleina, ei nades tumiyô mam suma mi ngomeina. Ini agi humugi zla d’a mi data. Mi dala:

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Ezekiyel 18:13

le nga mi he va mi sa ki mbina, le nga mi hal mbina abo sana ni, gor máma mba mi kak karid’a zu? Mba mi kak karid’a d’i. Le nga mi le sun nda ndjendje d’a hina d’a ped’u ni, gagazi, a mba tchumu. Mi tchi tamî vamu.

Ezekiyel 33:4

le sama mi hum adif fa bud’a ko ba, mi gol tam ta, suma djangûna a mba tchumu ni, mi tchi tamî kabomu.

Jean 8:39

Azi hulong dum ala: Abumi ni Abraham. Jesus mi dazi ala: Ladjï agi ni Abraham groma ni, agi lagi ni sunda hi Abraham-mba.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.