Ezekiyel 30:12 - Bible azumeina

¹² An mba ni so abo alum ma Nil ma tetengâ woyo, an mba ni hambasa woi abo suma asa’atna, an mba ni zut ambasa abo suma dingâ a mba arat djona kahle suma kurutna. An Ma didina ni de na.

Ezekiyel 30:12 Iomraidhean Croise

Isai 44:27

An nga ni de mi mbiyo ma galileina ala: Ang so woyo, an nga ni song mbiyong ngeyo.

Jeremi 50:38

Ar krena mi ve yam mbiyo mazina, mi sid’am mbeyo, kayam Babilon nambas sa tuwal fileina. A mbut lilid’a abo filei mazina.

Jeremi 51:36

Ni kayam ndata ba, Ma didina mi dala: Gola! An nga ni ndjun kagu, an mba ni sak atchugulugu, an mba ni so alum ma ngol ma Babilon-na woyo, an mba ni so mbiyo mat ma laud’a woi mi.

Ezekiyel 28:10

Ang mba mit ni d’igi suma bei ngat bayâd’ina na abo suma dingâ, kayam an Salad’a Ma didina ni de da’.

Ezekiyel 29:3

Ang dum ala: Salad’a Ma didina mi dala: Ang Faron amul ma Ezipte-na, gola! An nga ni dur ki sed’engû, ang hurum ma ngol ma nga burâ kä kur aluma ma nga dala: Alum ma Nil-lâ ni mana, ni an ba ni lumu na.

Ezekiyel 31:12

Andjaf suma ding suma asa’at mazid’a kal ndrozinina, a kam a gum mbeyo. Abom mi nde kä yam ahuniyôna kur hor ra lara ge pet, abom mi kus kä woi kur b’irlim ma yam ambasina. Suma yam andagad’ina pet a buzuk kei ad’u anguzamu, a aram mbeyo.

Nahum 1:4

Nga mi ngop alum ma ngolâ, mi so woyo, nga mi so alum ma gureina woi pet, hat ma Basan-na ki ma yam ahina d’a Karmel-lina a nga lugod’a, b’o d’a Liban-nda ti yak kei mi.

1 Korente-na 10:26

D’igi mbaktumba hAlonid’a ti de na ala: Andagad’a kahle suma kurutna pet a ni hi Ma didinina.

Vama ndum mbeina 16:12

Malaika ma karagayana, mi vo mama kur alum ma Efrat-na. Alum máma mi so woi á min lovota avok amulei suma a tcholï abo ma yorogonina.

Suma ka sariyad’a 2:14

Ma didina hurum zal ngola ata Israel-lâ, mi hazi abo suma a hurum ahlena hi sumina, a hurumuziya. Mi guzuzi woi abo mazi suma djangû suma a nguyuzina. Kayam ndata, azi ndak nga á tchol avok mazi suma djangûna d’uo d’a.