Ezekiyel 3:8 - Bible azumeina

⁸ Gola! An nga ni hang ad’enga, ang mba tchol avorozi irang ngei mbelel. An nga ni hang yam mba ad’enga, ang mba tchol avok yam mba ad’eng mazid’a mi.

Ezekiyel 3:8 Iomraidhean Croise

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

Isai 50:7

Salad’a Ma didina mi ndjunun wa. Kayam ndata, an mang nga woi d’i, an so iran ndei ngrazang, kayam an wala an mba ni mbut zulona d’i.

Jeremi 1:18

Gola! An tining ini yam ambas ndata pet d’igi azì ma ngol ma ad’eng ma ngunguna na, d’igi grak ka kawei ma wurana na, d’igi gulumun ma kawei ma hleuna na á dur kamulei suma Juda-na ki mazi suma nglona ki mazi suma ngat buzuna ki suma kur ambasina pet mi.

Jeremi 15:20

Ma didina mi de kua ala: An mba ni mbud’ungî d’igi gulumun ma kawei ma hleu ma ad’eng ma ngunguna na avoroziya. Azi mba durung ayîna, azi mba lang va d’i, kayam an nga ki sed’eng á sud’ungû, á prud’ung ngei mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Ezekiyel 3:7

Wani Israel-lâ a min humung ngi, kayam azi min humun nduo mi, kayam Israel-lâ pet ni suma yam mba ad’enga, ni suma huruzi b’ala kiki na.

Ezekiyel 3:9

An mba ni mbud’ung yang ad’enga d’igi ahina diyamanda na, ad’enga kal ahina d’a ad’enga mi. Ar ang lazi mandarazi d’i, ar vunadigang pat avorozi d’uo mi, kayam azi nandjaf ma bei hum vuna ba na.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Hebre-na 11:27

Ni yam he gagazid’a ba, Moise mi ar Ezipte, mi le mandara ayîna hamulîna d’i. Mi ve tam ad’enga d’igi mam we Alo ma bei wum ki irina na.