Ezekiyel 3:12 - Bible azumeina

¹² Ata yi máma Muzu’â hAlonina mi hlan akulo. An hum siwel la ngola ei blogon ala: Ar ei gilei Salad’a Ma didina ata yam ma kak ma nga mi tak subur mamba woi kuana.

Ezekiyel 3:12 Iomraidhean Croise

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

2 Amuleina 2:16

a dum ala: Ang gola! Ami azungeî mangâ nga ki suma ad’engâ dok vahl. Ami min sunuzi á hal salangâ. Dam ata yima Muzu’â hi Ma didinina mi hluma, mi gumza ni yam ahinad’a akulo, d’oze kä kur hora kla! Wani Elise mi dazi ala: Agi sunuzi d’i!

Sawal la giled’a 148:2

Agi malaika mama pet, agi gilemu! Agi ahle mam suma mi lagina pet, agi gilemu!

Sawal la giled’a 26:8

Ma didina, hurun ve yima ang nga kaka kuana, yima subur manga nga kuana mi.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Ezekiyel 10:4

Subura hi Ma didinid’a ti ndeï woi akulo yam tcherebêna, ti i irat avun yima kala hi gong nga kud’ora hAlonid’ina. Gonga ti oî ki d’ugula, subura hi Ma didinid’a wile mata ti oî hur atranga mi.

Ezekiyel 11:1

Muzu’â mi hlanu, mi in avun agrek ma abo ma yorogona hi gong nga kud’ora hi Ma didinid’ina. Gol wani, suma dok mbà yam vahl a nga tchola avun yima kala hi vun agre’îna. Suma nglo suma avok sumina a nga adigaziya. Ni Jäzaniya Azur goroma ki Pelatiya Benaya goroma mi.

Ezekiyel 2:2

Ata yima nga mi dan zla ndatina, Muzu’â mi kal kurunu, mi tcholon akulo kasenu, an hum sama nga mi dan zlad’ina.

Ezekiyel 3:11

Ang i gen mang suma a yozï magombina, ang dazi zla manda. Le a min hum mboze le a min hum mbuo pî, ang dazi ala: Wana ni zla d’a Salad’a Ma didina mi data.

Ezekiyel 3:14

Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Ezekiyel 43:4

Subura hAlonid’a b’o mata ti kal kur vun agrek ma abo ma yorogonina, ti kal kur gong mam mba kud’ora mi.

Ezekiyel 43:5

Muzu’â hAlonina mi hlan akulo, mi in hur atrang nga krovod’a. An we subura hAlonid’a b’o mata ti oî gong mam mba kud’ora.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.

Ezekiyel 9:3

Subura hAlona hi Israel-lîd’a ti ndei woi akulo yam tcherebêna ata yima ndat nga kuana, ti i irat avun yima kala hi gong nga kud’ora hAlonid’ina. Alona mi yï sama mi tchuk baru d’a hap pa luluîd’a atam ma mi djin ahle suma a b’ir ki sed’ezina yam d’ik mamina gevemu.

Sunda hi suma a sunuzinid’a 2:2

Ata yi máma na wat, siwel la dinga tcholï akulo d’igi babar ma ngol ma mi le bibi’â na, ti oî gong nga azi nga kuad’a.

Sunda hi suma a sunuzinid’a 8:39

Kid’a azi tup pei akulo aduk mbinid’a, Muzu’â hi Salad’ina mi zlak Filip. Adimbang dok wum bugol luo d’a, wani mi hle lovot mamba ki furîd’a.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.

Vama ndum mbeina 1:15

Asem wile d’igi kawei ma hleu ma a gum aduk aku d’a tchafina na. Delem mba ded’a ti tchi d’igi mbiyo ma avun vorina na.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.