Ezekiyel 3:11 - Bible azumeina

¹¹ Ang i gen mang suma a yozï magombina, ang dazi zla manda. Le a min hum mboze le a min hum mbuo pî, ang dazi ala: Wana ni zla d’a Salad’a Ma didina mi data.

Ezekiyel 3:11 Iomraidhean Croise

Buzuk ka Abud’a 32:7

Ata yi máma Ma didina mi de mi Moise ala: Ang tchuk aseng kä atogo, kayam mang suma ang buzuguzï woi kur ambas sa Ezipte-d’ina, a b’lak wa.

Jeremi 29:20

Wani agi suma an yogi Jerusalem ni igi magomba Babilon-na, agi humugi zlad’a hi an Ma didinid’a.

Ezekiyel 2:4

Ni suma zulo nga irazi d’uo na, suma huruzi b’alina. An nga ni sunung geveziya. Ang i dazi ala: Wana ni zla d’a Salad’a Ma didina mi data.

Ezekiyel 2:5

Le azi hum mboze le azi hum mbuo pî, azi nandjaf ma bei hum vuna ba na, azi mba wala ma djok vun Alona mi nga adigaziya.

Ezekiyel 2:7

Le azi hum mboze a min hum mbuo pî, ang dazi zla manda, kayam azi ni suma bei hum vuna ba na.

Ezekiyel 20:27

Ma didina mi de kua ala: Ni kayam ndata ba, ang gor sana, ang de mi Israel-lâ ala: Salad’a Ma didina mi dala: Abuyogi ngolo a ngulun ata yima a tak tazi woi ala azi ni suma bei d’engzengâ avoronu na.

Ezekiyel 3:10

Mi dan kua ala: Ang gor sana, ang tin humang hum zla d’a an nga ni dangzid’a pet, ang vat kurungû.

Ezekiyel 3:12

Ata yi máma Muzu’â hAlonina mi hlan akulo. An hum siwel la ngola ei blogon ala: Ar ei gilei Salad’a Ma didina ata yam ma kak ma nga mi tak subur mamba woi kuana.

Ezekiyel 3:15

An mbaza Tel-Abip, avo hi suma a yozi magombina avun alum ma Kebar-râ. Ata yima azi nga kaka kuana, an kak sä kua adigazi burâ kid’iziya kur djib’era ngola.

Ezekiyel 3:27

Fata an dang zlad’id’a, an mba ni malang vunang ngeyo, ang dazi ala: Wana ni zla d’a ded’a hi Salad’a Ma didinid’a. Sama mi min huma, ar mi huma. Sama mi min hum mbuo na, ar mi hum mbuo mi, kayam azi nandjaf ma bei hum vuna ba na.

Ezekiyel 33:12

Ang gor sana, ang de mi sum mangâ ala: Ata yima sama d’ingêrâ mi le tchod’ina, d’ingêr mam mba mi lat avoka, ti ndak á prud’um mbei d’i. Ata yima sama asa’atna mi ar tit mam mba tchod’a woina, tcho mam mba mi lat avoka ndak á tchum kat tuo mi. Ata yima sama d’ingêrâ mi le tchod’ina, a mba aram bei tchid’a yam djivi mam mba mi lat avoka d’uo mi.

Ezekiyel 33:17

Sum mangâ a nga dala: Lovota hi Ma didinid’a ti nga ata yat ti. Wani ni lovot mazid’a ba, ti nga ata yat tuo dö!

Ezekiyel 33:2

Ang gor sana, ang ge hum Israel-lâ yam vama mba mi mba fata an mba ni tchol kayî ma durâ yam ambas sa dinga tu na. Suma kur ambas ndatina a mba man sana adigazi tu á kak ma ndjola kaziya.

Ezekiyel 33:30

Ang gor sana, sum mangâ a nga de tazi kang kur gulumuna avun azina, nge nge pî nga mi de mi wiyema ala: Agi mbeyegiya, agi humugi ni zla me ba, ti ndeï avun Ma didina ge!

Ezekiyel 37:18

Ata yima sum mangâ a mba djobong ad’u zla ndatina,

Daniel 12:1

Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Daniel 6:13

Sum ndazina a hulong de mamulâ kua ala: Amulâ! Daniel ma aduk Juif suma a yozï magombina, nga mi hang ngola d’i, nga mi ge yam kä ad’u gat ta ang tin abong kuad’a d’uo mi! Bur ma tuna nga mi tchen Alo mama yam hindi!

Gat ta a hat á mbàd’id’a 9:12

Ata yi máma Ma didina mi dan ala: Ang tchuk aseng kä atogo, kayam suma ang buzuguzï woi avo Ezipte-na a b’lak wa taziya. Ki tchetchemba, a d’es wa woi yam lovot ta an tagazizid’a, a yor wa angus vana á kud’uromu.