Ezekiyel 26:5 - Bible azumeina

⁵ Azì magi ma Tir-râ mba mi mbut ni d’igi til la kur alum ma ngolâ d’a a war abeina kuad’a na. Kayam ni an Salad’a Ma didina ba, ni de zlad’a, mba mi mbut ni vama ved’a handjaf sumina.

Ezekiyel 26:5 Iomraidhean Croise

Ezekiyel 25:7

Ni kayam ndata ba, an nga ni hlabon kan akulo á ngobogiya, an nga ni hagi abo andjaf suma dingâ á mbut va mazi ma ved’a, an nga ni yogi woi aduk suma, an nga ni ndjoyôgi woi yam ambasa, an nga ni b’lagagi woyo. Hina wani, agi mba wagi ala an ni Ma didina.

Ezekiyel 26:14

An mba ni arî ahinad’a tchola vat hina, agi mba mbud’ugi ni yima war abeina, a mba minigi akulo d’uo d’a, kayam ni an Salad’a Ma didina ba ni de.

Ezekiyel 26:19

Salad’a Ma didina mi dala: An mba ni mbud’ungî d’igi azì ma ngol ma b’lak kei ma sa nga kaka kurum mbuo na na. An mba ni tcholï ki mbiyo ma ngolâ kä ad’u alum ma ngolâ, mba mi hlubung kä.

Ezekiyel 27:32

Kur ndak mazid’a a mba yor tazi kangû, a mba tchi kang ala: Ni nge mi hle tam d’igi Tir azì ma ngol ma mi b’lak kei kur alum ma ngolâ wana na ge?

Ezekiyel 29:19

Kayam ndata, an Salad’a Ma didina ni dala: Gola! An nga ni hambas sa Ezipte-d’a mi Nebukanezar amul ma Babilon-na. Mam mba mi yo ndjondjoî mata, mba mi hurumut pepet, mba mi yo ahle matna avun ayîna mi. Wana ni wurak ka yam azigar mamid’a.

Ezekiyel 47:10

Bugola, suma tchiuna a mba tchol avun mbiyo máma. Tinï ad’ud’a En-Gedi dei gak mba En-Eglayim a mba war abei mazina kua. A mba vik andjaf kulufâ teteng d’igi andjaf kuluf ma nga kur alum ma ngol ma Mediterane-na na.