Ezekiyel 26:13 - Bible azumeina

¹³ An mba ni d’el sawal la ablau d’a a hlat kur aziyagid’a, a mba hum del ading magina tchina avo hatagi d’uo d’a.

Ezekiyel 26:13 Iomraidhean Croise

Sawal la giled’a 137:2

Ami gabamiza ading mamina ata da’ara avun mbina.

Isai 14:11

Subur ta manga ti nde kä azulei zlapa ki tchina hading mangîna; yang ma burâ ni yam ndjuvulâ, ndjuvulâ mi mbut ni borogo ma zlup kangâ mi!

Isai 22:2

Ang azì ma ngol ma vuna kang wü ma oîd’a ki siwel la gandjaud’ina, ang azì ma furîd’a, mang suma a tchazina, a tchazi nga ni ki mbigeu d’a fiyaka d’i, suma a bona, a tchazi nga navun ayîna d’uo mi.

Isai 23:12

Mi dala: Ndak gor wei d’a Sidon nda a b’lagaka, ndak nga d’i i avok kur furîd’a d’uo d’a. Le ndak tchol akulo, ndak i yam ambas sa Kitim-mba pî, ndak mba d’i fe lovota á tuk tak ki.

Isai 23:16

Ndak gaulang nga a mar kaka, ndak hlading ma’â, ndak ngui azì ma ngolâ, ndak bu adingâ djiviya, ndak hle sawala kam kua kam kua tala a djib’er kagu d’a.

Isai 23:7

Wana nazì magi ma ngol ma agi lagi furîd’a kuana d’uo zu? Ni ma tinï ad’ud’a adjeu dedeina d’uo zu? Ni ma mi i te yam ambas sa sä woi dedeid’ina mi d’uo zu?

Isai 5:12

A nga bu ading ma nglona kading ma gureina ki daliyâd’a ki taulâd’a, a nga tche süm ma guguzlu d’a ayîna kur lü mazina. Wani a nga djib’er yam sun nda Ma didina mi lata d’i, a nga gol sun nda mam lat kabomba d’uo mi.

Jeremi 16:9

Kayam an Ma didin ma ad’engên kal petna, Alona hi Israel-lîna, ni dala: Kur atchogoi magid’a an mba ni d’el sawal la aîd’a, sawal la furîd’a, sawala hi gor azong ma tel atchad’ina ki sawala hi gor wei d’a a telet awilid’a kur yima wana kä iragi na!

Jeremi 25:10

An mba ni tchi sawal la aîd’a, sawal la furîd’a, sawala hi gor azong ma tel atchad’a awilina, sawala hi gor wei d’a a telet awilid’a, tchina hahina d’a lutna ki b’od’a hi lalamba woi pet adigaziya.

Jeremi 7:34

An mba ni seng vun suma kur azì ma nglo ma Juda-na ki vun suma ir palum mba Jerusalem-mbina. A mba hum del sawal la furîd’a d’oze sawal la hur ma hapma d’oze sawala hi gor azong ma vatchad’a awilina d’oze sawala hi gor wei d’a teleta d’uo mi, kayam ambasa mba d’i b’lak keyo.

Ezekiyel 28:13

Ang nga kur Eden asinena hi an Alonina, ang tchuk ahina d’a guzut kal tegles sa lara ge atangû, nala, d’a sarduwanda, d’a topasa, d’a diyamanda, d’a krisolita, d’a onisa, d’a jasped’a, d’a safira, d’a eskarbukled’a, d’a emerota ki lora. Daliyâd’a ki taulâd’a a nga lang sunda. A minizi kangî kur bur ma a langâ dei.

Wana ni mbaktumba hi Oze-d’a 2:11

Kayam ndata, an mba ni hulong ni ve geme mana woi abot ata yima zed’a, ni ve süm guguzlu manda woi ata yima duta, an mba ni yo tumus tumiyô mana ki baru man nda luluîd’a suma a zlubut ki gandila matina woi atad’u.