Ezekiyel 26:12 - Bible azumeina

¹² A mba yogi ndjondjoî magid’a, a mba hurumugi ahle magi suma agi mbud’ugi kabogina, a mba togi gulumun magina kä woyo, a mba togi aziyagi ma djivina kä woyo, a mba yogi ahuniyô magina, agu magina kandaga magi d’a gugud’upa, a mba tchuguzi woi aduk mbina.

Ezekiyel 26:12 Iomraidhean Croise

2 Sunda Hamuleinid’a 32:27

Ezekiyas mi mbut sama ndjondjoîna, suma a nga suburum ngola mi. Mi min yima tchuk kawei ma hapma, yima tchuk lora, yima tchuk ahina d’a guzut kal teglesa teteng, yima vo mbul ma his ma afufuîna, yima tchuk mboriyona ki yima tchuk andjaf ahle suma djivi suma kal teglesâ teteng mi.

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

Isai 23:11

Ma didina mi hlabom akulo yam alum ma ngolâ, mi giget leud’a teng teng, mi he vuna á b’lak azì ma ad’eng ma ngungu ma Kanan-na woyo.

Isai 23:8

Ni nge ba, mi nga hurum á b’lak Tir ra ti b’rau amula mi suma, d’a suma mbut abozi suma kurutna a namuleina hi suma nglonina, d’a mat suma mbut abozina ni suma suma yam andagad’ina pet a nga hazi ngolina ge?

Isai 32:12

Agi tchagi abogi kurugiya, agi tchigi yam asine ma djivina ki guguzlu d’a vut heîd’a mi.

Jeremi 25:34

Agi suma pola, agi tchagi wulula, agi suma avok tumiyônina, agi bululugi kä aduk butna. Kayam bur ma a ngad’agi kuana, d’oze bur ma a ndjoyôgi woi kuana mi mba wa, kayam an mba ni togi woyo, agi mba galalagi woi d’igi dei ma guzum kal teglesâ na.

Jeremi 52:14

Azigar suma Babilon-na pet suma a nga zlapa ki ma ngolâ hi suma a ngom yinina, a hô gulumun ma ngui Jerusalem-ma kä woi ki zla tam pepet.

Ezekiyel 26:5

Azì magi ma Tir-râ mba mi mbut ni d’igi til la kur alum ma ngolâ d’a a war abeina kuad’a na. Kayam ni an Salad’a Ma didina ba, ni de zlad’a, mba mi mbut ni vama ved’a handjaf sumina.

Ezekiyel 28:8

A mba ing kä kur zula, ang mba mit d’igi suma a tchazi avun ayîna kä kur alum ma ngolîna na.

Daniel 11:8

Mba mi yo alo ma tchet ma kur ambasina zlapa kahle suma sun suma lor suma kal teglesâ ki kawei mazi ma hapma suma a tinizi irazi vazi malo mazinina hurumba, mba mi i ki sed’ezi Ezipte. A mba ar bei dur ayîna bizad’a tcha.

Wana ni mbaktumba hi Oze-d’a 13:15

Le andjafâ hi Efraim-ma nga mi i avogovok aduk b’oziyoma pî, simetna mba mi tcholï abo ma yorogona, ni simet ma tcholï hur fulâ ata Ma didinina. Mba mi som mbiyo mam ma laud’a woyo, mba mi sid’amam golong mamba woi mi. A mba hurumum ahle mam suma guzuzi kal teglesâ mi.

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Nahum 2:9

Ninif adjeu ni d’igi apo d’a ve mbina heî d’a nga d’i wet teid’a na, a nga dala: Agi tchologiya! Agi tchologiya! Wani sama mi mbut iram blogoma nga d’i.

Zakari 7:14

An ni ndjoyôzi woi aduk andjaf suma ding suma azi wazi nga d’uo na. Ambas mazid’a ti b’lak kei blogoziya. Sama mi nde woi kua mi hulong mi kal kuana nga d’i, ambas sa djivid’a, azi mbud’ut djona.