Ezekiyel 21:6 - Bible azumeina

⁶ Ma didina mi dan kua ala:

Ezekiyel 21:6 Iomraidhean Croise

Isai 16:11

Kayam ndata, an nga ni hle sawala ki delen akulo ki hur ma hata yam suma Mowap-ma d’igi tchina hadingîna na, an nga ni tchi yam suma Kir-Hares-sâ mi.

Isai 21:3

Kayam ndata, furun nga mi tanu, ndaka nga d’i lan d’igi ndaka ti latcha d’a vuta na, tcha d’a tatad’a ti d’elen bei hum zlad’a, mandarâ mi d’elen á we yina mi.

Isai 22:4

Kayam ndata, an dagi ala: Agi hlagi iragi woi kanu, agi golon ndi, aran an tchi tchi ma hat hurâ, agi kawagi tagi á b’lengên hurun yam b’laka hi sum manid’a d’i.

Jeremi 19:10

Bugola, ang to agela kä woi ir suma a i ki sed’engâ.

Jeremi 30:6

Agi djobogi tagiya, agi gologiya, na ni mandjufâ mi ndak á vut tchu? Ni kayam me ba, an we andjofâ a tin abozi furuzi d’igi atcha d’a nga d’i lá vutid’a na ge? Ni kayam me ba irazi d’i mbut hapa hina patlas ke?

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Ezekiyel 21:12

Le a djobong ala ni kayam me ba ang zam tang na ge ni, ang hulong dazi ala: Zla d’a tchod’a nga d’i mba, hur suma pet mba mi ka mbina, abo suma pet mba mi mbut amangeîd’a, muzu’â hi sumina pet mba mi b’leng titiling, guguf suma pet mba mi zlak kekebe. Gola! Zla ndata nga d’i djïya, ti mba wa da’. An Salad’a Ma didina ni de na.

Ezekiyel 21:5

An hulong dum ala: Alë! Salad’a Ma didina, sum ndazina a nga de kan ala: Ni ma de zlad’a ki d’ogolîna d’uo zu?

Ezekiyel 21:7

Ang gor sana, ang mbut irang yam Jerusalem, ang tchi wala mi yima a tinim iram vama, ang djok vuna mandagad’a hi Israel-lîd’a.

Ezekiyel 32:18

Ang gor sana, ang tchi yam suma ablau suma Ezipte-na, ang zud’uzi kä, zlapa ki gro aropma handjaf suma ad’engîna kä ad’u andagad’a, zlapa ki suma a i kä azuleina.

Ezekiyel 37:20

Agu ma ang b’ir kama mba mi arî ved’a abong ngei irazi hina.

Ezekiyel 4:12

Ang mba te woî awu orsâ, ang mba yumî ki sud’o suma kä irazina.

Ezekiyel 6:11

Salad’a Ma didina mi dala: Agi tchagi abogiya, agi dadjagi asegi kä, agi tchigi ala: Alë yam asa’ata ki sun nda ndjendjed’a hi Israel-lîd’a pet. A mba tchazi avun ayîna ki baktarad’a ki tugud’ei d’a tcho d’a tchi matna.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Daniel 5:6

mi le mandarâ ngola, vunadigam mbi pat fek, guguvam nga mi zlak kikibi mi.

Daniel 8:27

An Daniel djib’eren ti b’lak ngola, ni mbut tugud’eid’a burâ tcha. Bugol la an mbut gangrangid’a, an ve sunda hamulîd’a led’a. Wani an kak ki djib’era yam vama nde tam mbei iran máma, kayam an wum nga ad’um mbi.

Nahum 2:10

Agi hurumugi bege d’a hapa, agi hurumugi lora, kayam ndjondjoî d’a bei dabid’a ti nga, ndjondjoîd’a hahle suma guzuzi kal tegles suma tetengâ a nga mi.

Habakuk 3:16

An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.