Ezekiyel 21:4 - Bible azumeina

⁴ Suma pet a mba wala ni an Ma didina ba, ni gad’u, mba d’i mit tei d’i.

Ezekiyel 21:4 Iomraidhean Croise

Jeremi 12:12

Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Jeremi 25:27

Ang i dazi ala: Ma didin ma ad’engêm kal petna, Alona hi Israel-lîna, mi dala: Agi tchagiya, agi gurud’ugiya, agi vinigiya, agi pugugi kä bei ndak á tchologi akulo abo tchi d’a suma an mba ni sunuzï atagina a mba tchagid’a.

Ezekiyel 14:17

D’oze le an mba kayî ma durâ yam ambas ndata, le an ni dala: Ar ayî ma durâ mi b’rau woi hurud’u, le an tchi suma woi ki d’uwarâ,

Ezekiyel 21:10

Suma pet a mba wala ni an Ma didina ba, ni pat mbigeu man nda fiyaka woi kur aziyad’u, an mba ni hulongôt kur aziyat tuo d’a.

Ezekiyel 21:9

Kayam an min tchi suma d’ingêrâ ki suma asa’atna woi kurugu, an mba ni pat mbigeu man nda fiyaka woi kur aziyat á tchi suma woi pet, tinï ad’ud’a abo ma sutna dei gak ndeza woi abo ma norâ.

Ezekiyel 7:2

Ang gor sana, ang hum zla d’a an Salad’a Ma didina nga ni dat mi Israel-lîd’a. Wana ni dabid’a hahlenid’a! B’lak ka dabid’a nga d’i tcholï ata ambasa abot ma fid’ina pet.

Gat ta a hat á mbàd’id’a 32:40

An hlabon akulo hur alona, an gun tan ala: An ni ma nga kaka ki iran gak didina!