Ezekiyel 21:3 - Bible azumeina

³ Ang de magu d’a abo ma sutnid’a ala: Ndak hum zlad’a hi Ma didinid’a. Salad’a Ma didina mi dala: An nga gakud’a adigagu, mba d’i ngal agu ma arina ki ma sod’a woi adigagu. Sin aku ndata mba d’i mit tei d’i, mba d’i ngal ahle suma a wazi ki irina, tinï ad’ud’a abo ma sutna dei gak ndeza woi abo ma norâ.

Ezekiyel 21:3 Iomraidhean Croise

Wana ni mbaktumba hi Job-pa 9:22

Ahlena pet a nabo tazi tu. Ni kayam ndata ba, an ve tan á ded’a ala: Mi nga mi tchi sama bei zlad’a kama woi mi na, mi tchi sama zlad’a kama woi mi.

Sawal la giled’a 17:13

Ma didina, ang tchol akulo, ang ngavaziya, ang zud’uzi kä, ang prud’un ndei abo suma asa’atna ki mbigeu mang nga fiyaka.

Sawal la giled’a 80:17

Guguzlu manga a kat teyo, a ngalat teyo; sum mangâ a nga ba woi avorong abo ngop manga.

Sawal la giled’a 83:15

d’igi aku d’a nga d’i ngal agud’id’a na, d’igi sin aku d’a ti trâ yam ahuniyônid’a na mi.

Buzuk ka Abud’a 15:9

Mami suma djangûna a dala: Ei mba digiziya, ei mba faziya, ei mba b’rawei ahle suma ei hurumuzina, ei mba hobei kiya, ei mba pad’ei mbigeu d’a fiyaka, ei mba tchaziya.

Ma tchi wala 9:2

Ahlena a mba yam suma nabo tazi tu. Vama mi mba yam sama d’ingêrîna, mi mba yam sama asa’atna ni na mi. Vama mi mba yam sama djivi ma yed’etnina, mi mba yam sama bei yed’etna ni na mi. Vama mi mba yam sama mi he vama ngat buzunina, mi mba yam sama nga mi he vama ngat buzuna d’uo na ni na mi. Vama mi mba yam sama djivinina, mi mba yam ma le tchod’ina ni na mi. Vama mi mba yam sama mi gun tama, mi mba yam sama mi le mandara gundina ni na mi.

Isai 10:5

Ma didina mi dala: Ni zla d’a hohoud’a yam suma Asiri sumala ni totogo man nda hurun le mi zala ba, an to ki suma d’a. Azi ni tatagam man ma an to ki sumina mi.

Isai 34:5

Gola! Mbigeud’a hi Ma didinid’a ti ndeï woi kur akulod’a. Nga d’i ka suma Edom suma Ma didina mi kazi sariyad’a kazi á dabazi woina.

Isai 57:1

Wani ma d’ingêrâ nga mi ba woyo, sama mi djib’er yam zla ndatina nga d’i. Suma djivina a nga yozi woyo, wani sama mi wad’ud’a ala a hle sama d’ingêrâ woi ná prud’um mbei kur asa’ata na nga d’i.

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 21:13

Ma didina mi dala: Agi suma Jerusalem suma nga kaka akulo yam ahina d’a yat papana d’a kal hora akulod’ina, an nga ni dur ki sed’egiya. Agi suma nga dagi ala: Ni nge mba mi tchugï asem kä á duri d’oze mi kal ata yi mei ma domina ge na, an nga ni dur ki sed’egiya.

Jeremi 21:14

An nga ni mba á ngobogi yam sun nda agi lata, an nga ni do agu magid’a akud’a; mba d’i ngal ahle suma a nguyugi kä na woi pet. An Ma didina ni de na.

Jeremi 50:31

Salad’a Ma didin ma ad’engêm kal petna mi dala: Gola! Ndak Babilon nda subur tak heîd’a, gola! An nga ni iza atagu, kayam bur ma’â mi mba da’, ni yima an ngobok kuana.

Jeremi 51:20

Ma didina mi dala: Ndak Babilon, adjeu nda’î marto mana, ni va man ma sï ma dur ayîna. Ni ki ndak ba, an kizak kandjaf suma woyo, ni ki ndak ba, an b’lak ki leu d’a tetenga woi mi.

Jeremi 51:25

Ma didina mi dala: Ndak ahina d’a b’lak yina, an nga ni iza atak á durâ. Ndak ka b’lak suma yam andagad’a peta, an mba ni mat abon ni durugu, an mba ni zud’ugï kä yam ahuniyôna, an mba ni mbud’u’î ahina d’a ngalat teid’a.

Ezekiyel 13:8

Ni kayam ndata ba, an Salad’a Ma didina ni dala: Kayamba zla magid’a ni zla d’a hawa yaka, ahle suma a nde tazi iragina ni zla d’a kad’a mi d’a, an nga ni ngobogiya. Ni an Salad’a Ma didina ba, ni de na.

Ezekiyel 14:17

D’oze le an mba kayî ma durâ yam ambas ndata, le an ni dala: Ar ayî ma durâ mi b’rau woi hurud’u, le an tchi suma woi ki d’uwarâ,

Ezekiyel 14:21

Salad’a Ma didina mi de kua ala: Ladjï an sunï ngop man nda fid’id’a, nala, ayî ma durâ ki baktarad’a kamburei suma ayîna ki tugud’ei d’a tcho d’a tchi matna á ngop Jerusalem, á tchi suma woi ki d’uwarâ ni,

Ezekiyel 21:19

Ang gor sana, ang djok vuna, ang tchi abongû. Ang ar mbigeu d’a fiyaka ti ka kaka yat mbà, ti ka kaka yat hindi. Ni mbigeu d’a fiyak ka tchi suma, ni mbigeu d’a fiyak ka tchi suma ablaud’a d’a nga d’i digizi ad’uzi

Ezekiyel 24:9

Ni kayam ndata ba, Salad’a Ma didina mi dala: Ni zla d’a hohoud’a yam azì ma ngol ma tchi mat máma. An pî mba ni mol agu ma ngala ngola mi.

Ezekiyel 26:3

Gola! An nga ni dur ki agi suma Tir-râ, an nga ni mba kandjaf suma ablaud’a atagi á durâ d’igi alum ma ngolâ mi sulul abil mama na.

Ezekiyel 29:10

ni kayam ndata ba, an nga ni mba á durung kalum mangâ, an mba ni b’lak ambas sa Ezipte-d’a, ni mbud’ut djona, tinï ad’ud’a Mikdol dei gak mba Asuwan ir haga d’a Etiyopi-d’a.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ezekiyel 5:8

Ni kayam ndata ba, an nga ni dagiya: An nga ni kak djangûna ki sed’egiya, an nga ni kagi sariyad’a kagi kä ir andjaf suma dingâ.

Sunda hi suma hi Levi-nid’a 26:25

An mba ni mba kayî ma durâ kur ambas magid’a á hlatchugulun yam vun ma djin ma an djinim ki sed’egina. Fata agi mba togogi kur azì magi ma nglonid’a, an mba ni sunï tugud’ei djabuma adigagiya, an mba ni hagi abo magi suma djangûna.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Amos 5:6

Le agi min va mi lagi d’uo ni, agi halagi ni Ma didina. Agi andjafâ hi Josef-fâ, le hina d’uo ni, mba mi fo d’igi akud’a na; mba d’i ngal Betel lei pet bei fe sama tchat teina ba.

Amos 7:4

Salad’a Ma didina mi ndan vama dingâ iran ndei kua. Mi yakud’a á ka sariyad’a. Ti ngal zul la ngol la yiyika, ti ngal asinena woi mi.

Nahum 2:13

Azlona nga mi ve, nga mi kizak vama mi vuma mazlod’a ki grot suma gureina, nga mi oî domi mama ki hliwa vama mam vum mi kizagam mbeina mi.

Nahum 3:5

Ma didin ma ad’engêm kal petna mi dala: An nga ki zlad’a ki sed’egu, an mba ni yok vun baru maka akulo woi iragu, an mba ni arak gandilad’a woi ir andjaf suma, an mba ni arak zulo ma’â woi ir suma kur leud’ina mi.

Sofoni 2:12

Ma didina mi dala: Agi suma Etiyopi-na, an mba ni tchagi woi avun ayîna.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.