Ezekiyel 21:22 - Bible azumeina

²² An pî mba ni tchi abon mi, mba ni ndak vun ayî mana. Ni an Ma didina ba, ni de na.

Ezekiyel 21:22 Iomraidhean Croise

2 Amuleina 25:1

Kur biza d’a zlengâ d’a Sedekiyas nga mi tamulid’a, kur bur ma dogona hi til ma dogonina, Nebukanezar amul ma Babilon-na mi mba ki azigar mama pet á dur Jerusalem. A vanguvora avorot d’ar, a nguyut tei d’uhl.

Wana ni mbaktumba hi Job-pa 39:25

Mi gol mandarâ ni va d’i, nga mi le mandar ri, nga mi didak kazigam abo mbigeu d’a fiyaka d’uo mi.

Jeremi 32:24

Gola! A nga mbu andagad’a ad’u azì ma ngol ma wana á hlumu. A mba hazì ma ngol máma abo suma Babilon suma a nga durum ayînina. A nga hal á hlum kayî ma durâ ki baktarad’a ki tugud’ei d’a tcho d’a tchi matna mi. Zla d’a ang data ti ndak wa, ang nga golot ki irang mi.

Jeremi 33:4

Ni hina ba, an Ma didina Alona hi Israel-lîna ni de yam gongîyo suma kur azì ma ngol ma wanina, yam azì ma amula hamulei suma Juda-na ma a nga tom kä woi kandaga d’a a mbut ad’umba kayî ma durîna.

Jeremi 4:16

Agi gagi hum andjaf suma, agi dagi mi suma Jerusalem-ma mi ala: Suma djangûna a nga djïya. A tcholï nata yima deina, a nga yi tau d’a dur ayîna á dur azì ma nglo ma Juda-na.

Jeremi 51:14

Ma didin ma ad’engêm kal petna mi gun tam ki mam tamba ala: Gagazi, an mba ni oî suma kuruk d’igi djera na, a mba siwel siwel la ayîna kagu.

Jeremi 52:4

Kur biza d’a zlengâ d’a Sedekiyas nga mi tamulid’a, kur bur ma dogona hi til ma dogonina, Nebukanezar amul ma Babilon-na mi mba ki azigar mama pet á dur Jerusalem. A vanguvora avorot d’ar, a nguyut tei d’uhl.

Ezekiyel 26:8

Mba mi tchi magi suma abagei kelâ ki mbigeu d’a fiyaka, mba mi ka azigarâ woi kagi dudup, mba mi mbu andagad’a ad’u azì magi ma ngolâ akulo, mba mi durugi ki mbarei d’a ngola.

Ezekiyel 26:9

Mba mi tin vama to gulumuna ata gulumun magina, mba mi to gongîyo magi suma fuyogei suma ndjola kä woi ki masin mama.

Ezekiyel 4:2

Bugola, ang nguyum kä kayîna, ang lak azigarâ adesâ adesâ nguyum mbei d’uhl, ang mbu andagad’a ad’um akulo, ang ve kangâ, ang tin vama to gulumuna, ang nguyum mbei d’uhl mi.

Ezekiyel 5:12

Magi suma a wal ad’u hindina, suma kur wal la avokina, tugud’ei d’a tchod’a tchi matna d’oze baktarad’a mba d’i tchazi woi hur azì ma ngolâ. Suma kur wal la mbàd’ina, suma a nguyuzina a mba tchazi woi avun ayîna. Suma kur wal la dabid’ina, an mba ni ndjoyôzi woi ata andagad’a abot ma fid’ina, an mba ni digizi ad’uzi kayî ma durâ.

Ezekiyel 5:13

An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana.

Amos 1:14

an mba ni do akud’a ata gulumun ma Raba-na, ti mba d’i ngal azì ma ad’eng ma ngunguna woi kur bur ma ayîna ki siwela d’igi babarâ ki mbirlimba a siwela na.

Josue 6:10

Josue mi he vuna mi azigarâ ala: Agi kagagi hina silil gak bur ma an hagi vuna ala: Agi tumugi sora na tua mbeî.

Josue 6:20

Suma ngat buzuna a bu aduveina. Ata yima azigarâ a hum tchina haduveinina, a tum sora guguk. Gulumuna mi dris kä, azigar suma Israel-lâ a tchuk avo hur azina, nge nge pî ata yima mi nga vorom kama, a hlazì ma ngolâ.

1 Samuel 17:20

Ki yorogo tcholola David mi tchola, mi ar ahok mama abo sama pol ma dingâ, mi yo ahle ndazina, mi le d’igi abum Jesse mi dum na. Ata yima mi mbaza kur kangîna, azigarâ a nga i ndjara á dur ayîna, a nga sor sor ra dur ayîna.