Ami nga lamami huyok gulumuna d’igi suma duka na, ami nga lamami yina d’igi suma irazi nga d’uo na na, ami nga dabami asemi kä falei d’igi yima andjegena na, kur duzîd’a wan ko, ami ni d’igi suma matna na.
Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.
Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.
Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.
An mba ni mbut iran ni ngoboziya. A mba djib’er ala a buzuk kei aduk akud’a da’, wani akud’a mba d’i ngalaziya. Fata an mbut iran á ngobozid’a, agi mba wagi ala an ni Ma didina.
Ang gor sana, ang djok vuna, ang tchi abongû. Ang ar mbigeu d’a fiyaka ti ka kaka yat mbà, ti ka kaka yat hindi. Ni mbigeu d’a fiyak ka tchi suma, ni mbigeu d’a fiyak ka tchi suma ablaud’a d’a nga d’i digizi ad’uzi
Suma Jerusalem suma a gun tazina a gol zlad’a hi vama tak lovot máma ni zla d’a hawad’a iraziya, wani amul ma Babilon-na, mi gazi humazi yam tcho mazid’a ala a mba yozi magomba.
Ata yima ami humumi zla ndatina, ad’engêmi nga d’uo d’a. Nge nge pî hurum ka mbina avorogiya, kayam Ma didina Alo magina nAlo ma sä kur akulod’ina ni Ma yam andagad’a ka hina mi.