Ezekiyel 21:12 - Bible azumeina

¹² Le a djobong ala ni kayam me ba ang zam tang na ge ni, ang hulong dazi ala: Zla d’a tchod’a nga d’i mba, hur suma pet mba mi ka mbina, abo suma pet mba mi mbut amangeîd’a, muzu’â hi sumina pet mba mi b’leng titiling, guguf suma pet mba mi zlak kekebe. Gola! Zla ndata nga d’i djïya, ti mba wa da’. An Salad’a Ma didina ni de na.

Ezekiyel 21:12 Iomraidhean Croise

Isai 13:7

Kayam ndata, suma pet abozi mi mbut amangeîd’a, vunadigazi ti pat fefek mi.

Jeremi 25:34

Agi suma pola, agi tchagi wulula, agi suma avok tumiyônina, agi bululugi kä aduk butna. Kayam bur ma a ngad’agi kuana, d’oze bur ma a ndjoyôgi woi kuana mi mba wa, kayam an mba ni togi woyo, agi mba galalagi woi d’igi dei ma guzum kal teglesâ na.

Jeremi 31:12

Azi mba mba yam yima nding ma Siyon-na ki sawal la furîd’a, tazi mba d’i lazi djivid’a yam ahle suma a mba fazi abo Ma didinina, nala, gemena, süm guguzlu d’a awilid’a, mbulâ, tumiyôna, b’ogeina kamuzleina mi. Azi mba mbut ni d’igi asine ma a nga rabam mbinina na. Va mba mi mbud’uzi mandar bugol luo d’a.

Jeremi 31:19

Gagazi, ata yima ami hang huyogomina, ami mbud’umi hurumiya. Ang tagami tcho mamid’a. Ki tchetchemba, ami nga tchami abomi kurumiya, ami mbud’umi zulona, ami tchugumi susub’ok yam tcho d’a ami lat kazungeî tamid’a.

Ezekiyel 21:11

Ang gor sana, ang mbut tang hohoud’a yam hurung ma b’la’â, ang zam tang avok suma pet.

Ezekiyel 21:13

Ma didina mi dan ala:

Ezekiyel 21:14

Ang gor sana, ang djok vuna ala: Salad’a Ma didina mi dala: Mbigeu d’a fiyaka! Mbigeu d’a fiyaka! A gurut wa, a heget wa siyat mi.

Ezekiyel 21:25

Ang mun lovota tu tala ar mbigeu d’a fiyaka ti kal avo Raba azì ma ngolâ hi suma Amon-na d’a, ta dingâ tu á i kur Juda avo Jerusalem azì ma ad’eng ma ngunguna mi.

Ezekiyel 21:6

Ma didina mi dan kua ala:

Ezekiyel 22:6

Gola! Suma nglo suma Israel suma kurungâ pet nge nge pî nga mi dap ad’engêm mbei á tchi matna.

Ezekiyel 30:2

Ang gor sana, ang djok vuna, ang dala: Salad’a Ma didina mi dala: Agi tchigi tchi ma hat hurâ ala: Alë! Ni bur ma me na ge?

Ezekiyel 6:11

Salad’a Ma didina mi dala: Agi tchagi abogiya, agi dadjagi asegi kä, agi tchigi ala: Alë yam asa’ata ki sun nda ndjendjed’a hi Israel-lîd’a pet. A mba tchazi avun ayîna ki baktarad’a ki tugud’ei d’a tcho d’a tchi matna.

Ezekiyel 7:17

Abozi pet mba mi mbut amangeîd’a kekeb’e, guguvazi mba mi zlak kekeb’e mi.

Ezekiyel 9:8

Ata yima azi nga tchi sumina, an nga tchola tua, an ge tan kä avoromu, nga ni tchi ala: Alë! Salad’a Ma didina, ang mba dap Israel-lâ ad’uzi d’a ara tchid’a woi yam hur mang ma zal ma ang mbam yam Jerusalem-ma zu?

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Joel 2:1

Agi bugi adifa kur Siyon, agi tchagi wulula akulo yam ahina man nda a tinit irat vata. Ar suma a nga kaka yam ambasina pet a zlaga! Kayam burâ hi Ma didinina nga mi djïya, mi ar wa go mi.

Mise 1:8

Kayam ndata, an Mise mba ni tchiya, an mba ni ge horâ, an mba ni tit asen hawa bei atuguruna, an mba ni er ad’un akulo d’igi hâna na, an mba ni oî d’igi arigeta na mi.