Ezekiyel 20:12 - Bible azumeina

¹² An hazi bur man ma sabatna d’igi vama taka na adigazi ki anu, kayam azi wala an ni Ma didin ma ni tinizi irazi vazina.

Ezekiyel 20:12 Iomraidhean Croise

Ad’u Tinda 2:3

Alona mi b’e vunam yam bur ma kid’iziyana, mi tinim iram vamu, kayam mam tuk tam yam sun mam mba mi lata pet.

Nehemi 9:14

Ang tagazi bur mang ma sabat ma ang tinim iram vama, ang hazi vuna, hata ki gata abo azong mangâ Moise.

Buzuk ka Abud’a 16:29

Gola! An hagi bur ma sabatna. Ni kayam ndata ba, an hagi tena kur bur ma karagayana ir burâ mbà ni na. Ar nge nge pî mi kak ata yima mi nga kuana, ar sa mi nde woi kur bur ma kid’iziyana ata yima mam nga kaka kuana d’i.

Buzuk ka Abud’a 35:2

Agi lagi sunda burâ karagaya, wani bur ma kid’iziyana agi tinim iram vamu; ni bur ma sabat ma tuk tad’a. Agi tinim iram vam yam Ma didina. Sama lara pî ma le sunda kurâ, a mba tchum mbeyo.

Isai 56:2

Sama mi le vama an duma, ma nga tchola ngingringâ, ma nga mi ngom bur ma sabatna á mbud’um ndjendjed’a d’uo na, ma nga mi d’el tam mbei ata tcho d’a lara ge petna, mi le furîd’a.

Jeremi 17:22

Ar agi yogi ahle suma avo hatagina á buzugugi woi ki sed’ezi kur bur ma sabatna d’i, ar agi lagi sunda kur ri, wani agi tinim iram vam d’igi an he vuna mabuyogi ngolo na.

Ezekiyel 20:20

Agi tinigi bur man ma sabatna iram vamu, ar mi ka’î vama taka adigagi ki anu, kayam agi wagi ala an ni Ma didina Alo magina.

Ezekiyel 20:26

An mbud’uzi ndjendjed’a ki he d’a hawa mazid’a ata yima azi nga ngal grozi suma avo’â woi kakud’ina, an min le ki sed’ezi hina á mbud’uzi hohoud’a á tagazi woi ala an ni Ma didina.

Ezekiyel 37:28

Fata gong man nda kud’ora ti kak aduk Israel-lâ gak didinda, andjaf suma dingâ a mba wala an ni Ma didin ma ni tin Israel-lâ irazi vazina.

Ezekiyel 44:24

Le zlad’a nde aduk suma ni, azi mba ka’î suma ka sariyad’a, azi mba ka ni sariya d’a d’ingêra yam gat manda. Azi mba le vun til mana yam gat manda ki vun man ma hed’a, azi mba ngom bur man ma sabatna á tinim iram vam mi.

Sunda hi suma hi Levi-nid’a 20:8

Ma didina mi de mi Moise kua ala: Agi ngomogi vun man ma hed’a, agi lagi sunda kam mi, kayam an ni Ma didin ma tinigi iragi vagina.

Sunda hi suma hi Levi-nid’a 21:15

Mam mba mi mbut andjavam zulona aduk sum mama d’i, kayam an ni Ma didin ma tinim iram vama.

Sunda hi suma hi Levi-nid’a 21:23

Wani mi i ata yima baru d’a ka ira d’i, mi hut go gen yima ngal ahle suma ngat buzuna d’uo mi, kayam mi ni daka. Ar mi mbut yi man ma a tinim iram vama ndjendjed’a d’i, kayam an ni Ma didin ma ni tin yi máma iram vama.

Sunda hi suma hi Levi-nid’a 21:8

Agi Israel-lâ agi gologi suma ngat buzuna ni suma yed’etna, kayam a nga he tena mi an Alo magina. A mba ka’î suma yed’etna kagiya, kayam an ni Ma bei tchod’ina, an ni Ma didin ma tinigi iragi vagina.

Sunda hi suma hi Levi-nid’a 23:24

Ang i de mi Israel-lâ ala: Kur bur ma avo’â hi til ma kid’iziyanina, ni bur ma agi mba lagi vun tilâ kuana, ni bur ma agi mba gagi humba kadif fa bud’a kuana mi. Ni tok ka a tinit irat vat á kud’uronda.

Sunda hi suma hi Levi-nid’a 23:3

Agi mba lagi sunda burâ karagaya, wani bur ma kid’iziyana ni bur ma sabat ma tuk tad’a. Agi togogi tok ka a tinit irat vata. Ata yima lara ma agi mba kagagi kuana, agi lagi sunda kur bur máma d’i, kayam ni bur ma sabatna hi an Ma didinina.

Sunda hi suma hi Levi-nid’a 23:32

Bur máma mba mi mbut ni bur ma sabat ma agi mba tugugi tagi kuana. Agi mbud’ugi tagi hohoud’a, agi lagi vun til ma sabat magina kur fladeged’a hi bur ma zlengîna hi til mámina gak fladeged’a avinda.

Sunda hi suma hi Levi-nid’a 23:39

Kur bur ma dogo yam vahlâ hi til ma kid’iziyanina, fata agi dud’ugi ahle suma agi zumuzi yam ambasina, agi lagi vun tilâ á kud’uron an Ma didina gak burâ kid’iziya. Bur ma avo’â mba mi mbut ni bur ma tuk tad’a, bur ma klavandi ma bugol vun tilîna ni bur ma sabat ma tuk tad’a mi.

Sunda hi suma hi Levi-nid’a 25:4

Wani biza d’a kid’iziyad’a mba d’i mbut ni biza d’a sabat ta tuk tad’a yam andagad’a. Ni biza d’a sabat ta agi mba suburun an Ma didina kuad’a. Ang zum asineng ngi, ang tchau abo guguzlu manga woi d’uo mi.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.

1 Tasaloni’â 5:23

Ar Alo ma b’leng nga halasa mi tinigi iragi vagi mi mam tamba memet. Mi ngomogi muzugagi ki tagi ki hliwigi pet bei zlad’a kagi ba fat ta mbad’a hi Saleina Jesus Christ-sa.

Jude 1:1

Ni an Jude ma sunda hi Jesus Christ ma Jacques wiyemina. An nga ni b’ir mbaktumba mi agi suma Alona Abui mi yagi suma nga mi le kagi heî suma nga mi ngomogi zlapa ki Jesus Christ-sâ.