Ezekiyel 2:6 - Bible azumeina

⁶ Ang gor sana, ang le mandarâ abo zla mazi d’a ded’a d’i, kayam ang mba kak adigazi ni d’igi sana mi kak aduk kekerezeuna kaweid’a d’oze yam hurd’ud’a na. Wani ang le mandarâ abo zla mazi d’a ded’a d’i, ar vunadigang pat avorozi d’uo mi, kayam azi nandjaf ma bei hum vuna ba na.

Ezekiyel 2:6 Iomraidhean Croise

2 Amuleina 1:15

Malaikana hi Ma didinina mi de mi Elie ala: Ang lum mandaram mbi. Ang tchuk aseng kä, ang i ki sed’emu. Elie mi tchugï asem kä ki azigar ma ngol máma, mi i gen amulâ.

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Isai 9:18

Abo ayîna hi Ma didin ma ad’engêm kal petnina, ambasa ti vakud’a, abo ayîna hi Ma didinina, suma a mbut ni vam tena hakud’ina, sa nga mi keng wiyem mbei d’uo mi.

Jeremi 1:17

Wani ang Jeremi, ang djin d’i’â furungû, ang tchol akulo, ang i dazi woi yam ahlena pet suma an mba ni hang vuna kazina. Ar ang zlak avorozi tala an zlagang avoroziya d’a d’i.

Jeremi 1:8

Ma didina mi dan kua ala: Ar ang lazi mandarazi d’i, kayam an nga zlapa ki sed’eng á sud’ung ngeyo.

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 6:28

Jeremi mi dala: Azi pet ni suma bei hum vuna ba na, azi ni suma las suma. Azi ni d’igi kawei ma hleuna ki ma wurana na, azi pet ni suma a b’lak keina.

Ezekiyel 24:3

Ang de zla d’a d’ogol la wanda mandjaf ma bei hum vunina, ang dazi ala: Salad’a Ma didina nga mi dagiya: Agi tinigi deina akua, agi vogi mbina kurumu,

Ezekiyel 28:24

Israel-lâ ndrozi suma azì suma a golozi is adjeuna, a mba tchogozi d’igi kekerezeuna mi tchok suma na d’i, a mba tchogozi mbuleina d’igi aweid’a ti tchok suma na d’uo mi. Hina wani, suma a mba wala an ni Ma didina.

Mise 3:8

Wani an nga ni fad’enga kayam Muzu’â hi Ma didinina mi nga kurunu, mi han ve tad’a á ka sariya d’a d’ingêra, á tak suma hi Jakob-ma tchila mazid’a, á tak Israel-lâ tcho mazid’a mi.

Mise 7:4

Sama djivi ma adigazina mi ni d’igi kekerezeuna na, sama irat ma adigazi ma kalâ mi tchod’a kal azlupa haweid’id’a. Bur ma a ngobogi kua ma magi suma ndjol suma djok vuna a de zlad’a kama, mi mba wa da’, ki tchetchemba, a nga kur tcha d’a tatad’a.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Wana ni Zla d’a Djivi d’a Luc mi b’irita 10:19

Gola! An hagi ad’enga á miret guguyona ki hurd’ud’a kä ad’u asegiya, á kal yam ad’enga hi ma djangûnid’a pet mi; vama mba mi lagi tchod’ina nga d’i.

Wana ni Zla d’a Djivi d’a Luc mi b’irita 11:12

D’oze le mi tchenem asena ni, mba mi hum hurd’ud’a zu?

Wana ni Zla d’a Djivi d’a Luc mi b’irita 12:4

Jesus mi had’azi kua ala: Buniyôna, an nga ni dagiya, ar agi lagi mandara suma tchagi hliwigina d’i, kayam azi ndak á le va bugol li.

Sunda hi suma a sunuzinid’a 4:13

Kid’a suma b’ak zlad’a a we Pierre azi ki Jean a nga ki hur ma ade’esîd’a, a le atchap, kayam azi ni suma bei hat mbaktumba, azi ni suma hawana. A we tetet ala azi ni suma a nga zlapa ki Jesus adjeuna.

Sunda hi suma a sunuzinid’a 4:19

Wani Pierre azi ki Jean a hulong dazi ala: Na ni ni d’ingêr avok Alona tala ami gami yami kä avorogi kal la ami gami yami kä avok Alonid’a zu? Agi kagi ir zla ndata.

Sunda hi suma a sunuzinid’a 4:29

Ki tchetchemba Salad’a, ang gol ngop mazid’a, ar ami azungeî mangâ ami dami zlad’a ki hur ma ade’esâ.

Efes-sâ 6:19

Agi tchenegi Alona kan mi, kayam mi han ad’enga á de zla d’a irata bei mandarâ ba, á väd’u zla d’a mudurid’a hi Zla d’a Djivid’id’a woi abua.

Filip-ma 1:28

Ar agi lagi mandar suma djangû magina d’i. Wana ni vama simata kazi ala azi ni suma ba woina. Wani ni vama simata yam sut magid’a ala ti tcholï nata Alona.

2 Timote 1:7

Kayam Alona mi hei nga ni Muzuk ma mandarâ d’i, wani mi hei ni Muzuk ma mi hei ad’enga ki od’a ki ned’ina.

Hebre-na 11:27

Ni yam he gagazid’a ba, Moise mi ar Ezipte, mi le mandara ayîna hamulîna d’i. Mi ve tam ad’enga d’igi mam we Alo ma bei wum ki irina na.

1 Pierre 3:14

Wani le agi nga fagi ndaka yam d’ingêra ni, agi lagi furîd’a ngola. Ar agi lagi mandarâ abo suma d’i, ar vunadigagi d’i pat tuo mi,

Vama ndum mbeina 9:10

Andjawazi ti ni d’igi andjau hurd’ud’a na; nata andjawazi ba, azi nga kad’enga á ge suma tilâ vahl.