Ezekiyel 19:7 - Bible azumeina

⁷ Mi b’lagazi azì mazi ma ad’eng ma ngunguna woyo, mi mbut azì mazi ma nglona hur fulâ, ambasa kahle suma kurutna pet a ar djona abo tchi mam ma nga mi ngir kä ngingirâ.

Ezekiyel 19:7 Iomraidhean Croise

2 Amuleina 23:33

Faron Neko mi vum mi djinim ki kindjingâ avo Ribla yam andaga d’a Hamat-ta, kayam mi tamula avo Jerusalem mbuo d’a. Ata yi máma Faron Neko mi tin tara yam suma kur ambasina kawei ma hapma tonna hindi, lora kilona dok hindi mi.

Zla d’a d’ogolâ 19:12

Ayîna hamulîna mi ni d’igi tchina hazlonina na, wani djivi mamba ni d’igi mbad’ï d’a ata asunid’a na.

Zla d’a d’ogolâ 28:3

Sama hou ma mi kid’eî ir sama kid’akina, mi ni d’igi alo ma se ki babarâ ma mi b’lak ahlena woi kakazeîna na.

Jeremi 22:17

Wani ang irang ki hurung tinda ni yam djivi manga á tchi suma bei zlad’a kazina, á b’at ahlena hi suma kad’enga mi.

Ezekiyel 12:19

Ang de mi suma kur ambas sa wandina ala: Salad’a Ma didina mi de mi suma a nga kaka Jerusalem yam andaga d’a Israel-lina ala: A mba te te mazina ni ki tcha d’a tatad’a, a mba tche mbiyo mazina ni ki hohoud’a, kayam ambas mazid’a mba d’i ar djona, ahle suma kurutna pet a mba dap pei yam murud’umba hi suma nga kurutna.

Ezekiyel 19:6

Nga mi tit aduk azlona, mi djeng azlo ma azongâ, mi hat á kizak vama mi vuma, mi kizak suma woi mi.

Ezekiyel 19:8

Andjaf suma ding suma a nguyuma ki suma yam andaga d’a dinga tetengâ a tok tazi á durumu, a gun abei mazid’a kä avoromu, a vum kabei mazid’a.

Ezekiyel 22:25

Mazi suma djok vuna a nga ndjak vunazi kur Jerusalem. A nga tchi suma d’igi azlona mi nga mi tchi ata yima nga mi kizak vama mi vuma na, a nga yo ndjondjoîd’a kahle suma guzuzi kal teglesâ, a nga zul arop suma modonod’a kurut mi.

Ezekiyel 30:12

An mba ni so abo alum ma Nil ma tetengâ woyo, an mba ni hambasa woi abo suma asa’atna, an mba ni zut ambasa abo suma dingâ a mba arat djona kahle suma kurutna. An Ma didina ni de na.

Ezekiyel 34:4

Agi hagi nga ad’enga mi suma amangeîna d’i, agi sud’ugi nga suma tugud’eid’a d’i, agi djinigi nga suma a fe mbuleinina d’i, agi hulongî nga suma a i á bad’a woina d’i, agi halagi nga suma a ba woina d’uo mi, wani agi tagi kazi ni kad’enga ki ngopa mi.

Ezekiyel 45:8

Hina wani, amulei mana a mba kak kur andaga mazid’a tata, a mba tamula yam sum mana kad’enga d’uo d’a, a mba ar andaga d’a a hat mandjaf suma Israel-lâ á kaka kuad’a.

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.

Mise 1:2

Agi suma pet, agi humugiya! Ndak andagad’a kahle suma kuru’â pet, agi tinigi humagiya! Salad’a Ma didina nga mi deï zlad’a ata yam ma kak ma mi tinim iram vama á vagi ki zlad’a.