Ezekiyel 18:2 - Bible azumeina

² Ni kayam me ba, agi nga dagi zla d’a d’ogol la wanda yam andaga d’a Israel-la ala: Abuyod’a a te guguzlu d’a bei ned’a, grod’a siyazi mi zleyâ ge?

Ezekiyel 18:2 Iomraidhean Croise

Wana ni mbaktumba hi Job-pa 21:19

Agi nga dagi ala: Alona nga mi ngom ngop mamba ni yam ma asa’atna groma! Wani nga na d’i! Vama djivina Alona mi ngobomî mam tamba tala mi wumu d’a.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Isai 3:15

Salad’a Ma didin ma ad’engêm kal petna mi dala: Ni kayam me ba, agi mired’egi sum mana kä, agi ndjirebegi suma hohoud’a kä woi na ge?

Jeremi 15:4

An mba ni ndjoyôzi woi kur leu d’a yam andagad’id’a vivreng, yam sun nda tcho d’a Manase Ezekiyas goroma amul ma Juda-na mi lat avo Jerusalem-mba.

Hor ma tchina 5:7

Abuyomi a le tchod’a, wani azi nga d’i. Ni ami ba, nga zimi aneka hi tcho mazid’id’a.

Ezekiyel 12:22

Ang gor sana, ni kayam me ba, agi nga dugud’ogi zla d’a de d’a d’ogol la wanda yam andaga d’a Israel-la ala: Yina mi kal ngola, wani vama nde tam mbei ir sanina mi le nga d’uo ge?

Ezekiyel 16:44

Ma didina mi de kua ala: Gola! Suma a de zla d’a d’ogola kak ala: Gora ti hle ni zlad’a hasuta.

Ezekiyel 17:12

Ang de mandjaf ma bei hum vuna ba na ala: Agi wagi nga ad’u zla ndata d’uo zu? Ang dazi ala: Gola! Amul ma Babilon-na mi i wa Jerusalem, mi ve wa amulâ ki mam suma nglona, mi i wa ki sed’ezi avo Babilon.

Ezekiyel 18:1

Ma didina mi dan ala:

Ezekiyel 18:19

Wani agi nga dagi ala: Ni kayam me ba, gorâ mi zi tchod’a habumba d’uo ge? Wani gorâ mi tit ni yam d’ingêra ki gagazid’a, mi ngomî gat manda, mi tit kat pet. Gagazi, mba mi kak karid’a.

Ezekiyel 18:3

Salad’a Ma didina mi dala: An ni Ma bei matna. Agi mba dagi zla d’a d’ogol ndata aduk Israel-lâ d’uo d’a.

Ezekiyel 25:3

Ang dazi ala: Agi humugi zlad’a hi Salad’a Ma didinid’a. Salad’a Ma didina mi dala: Agi dagi ala: Tchuhu ngrang! yam yi man ma an tinim iram vama ata yima mi mbut ndjendjed’ina, yam andaga d’a Israel-la ata yima a b’lagat teina, yam suma Juda-na ata yima a izi magombina.

Ezekiyel 37:11

Ma didina mi dan ala: Israel-lâ a ni d’igi asok ma wana na. Azi nga de tazi ala: Asogei mi mbut ablarid’a, hur mei ma tinda mi dap peyo, ei bei woi da’!

Ezekiyel 37:19

ang hulong dazi ala: Salad’a Ma didina mi dala: Agi golonu! An hlaguna hi Josef ma nga abo Efraim-ma zlapa kandjaf suma Israel suma a nga zlapa ki sed’ema, an mba ni djinizi kaguna hi Juda-na, an mba ni mbud’uzi nagu ma tuna hur abonu.

Ezekiyel 37:25

Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Ezekiyel 7:2

Ang gor sana, ang hum zla d’a an Salad’a Ma didina nga ni dat mi Israel-lîd’a. Wana ni dabid’a hahlenid’a! B’lak ka dabid’a nga d’i tcholï ata ambasa abot ma fid’ina pet.

Matiye 23:36

Gagazi, an nga ni dagiya, ahle ndazina pet a mba hulong yam agi suma kur atchogoi d’a wandina.

Romê-na 9:20

Wani ang sana, angî nge ba, ang hulong zla d’a ded’a mAlona ge? Deina mba mi de mi sama minima ala: Ni kayam me ba, ang minin hina ge zu?