Ezekiyel 16:5 - Bible azumeina

⁵ Sa mi tin nga iram kak á wak hohowok á lak ahle ndazina d’i, á djib’er kak kuo mi, wani kur bur ma a vud’u’â a gak sä ni woi abageya, kayam a golo’î vama ndjendjed’a iraziya.

Ezekiyel 16:5 Iomraidhean Croise

Ad’u Tinda 21:10

Kayam ndata, Sara ti de mi Abraham ala: Ang dik magom ndata woi ki gorotna, kayam gorotna mi te djona ki gorona Isak ki.

Buzuk ka Abud’a 1:22

Wani Faron mi he vuna mi sum mama ala: Agi tchugugi gro andjof suma Hebre suma a vut awilina woi pet kur aluma. Wani agi tchugugi gro aropma woi aduk aluma d’i.

Isai 49:15

Ma didina mi hulongôt humba ala: Na ni atchad’a ti mar yam gorot ma ndat nga d’i hum aponina zu? Ti we hohowa gorot ma ndeï kurutna d’uo zu? Le ti mar kam pî, an mba ni mar kak ki.

Jeremi 22:19

A mba tanam a gumza woi kel huyok azì ma Jerusalem-ma, asuwam mba d’i mbut nasud’a hi koronid’a mi.

Hor ma tchina 2:11

Iran ndi zal abo simina, aruwad’an nga mi mbuzuk kurun dudu, mayâwan nga mi vo kä woi yam andagad’a yam b’laka hi sum manid’a, yam gugureina ki kem mba tchapona suma a nga seî kä ir palumba hazinid’ina.

Hor ma tchina 2:19

Ndak tchol akulo, ndak tchi wulula kad’u tinda hi ma ndjol ma avok kikidji ma andjegena, ndak de zla d’a kuruka woi avok Salad’a, ndak yo abok akulo avorom ki tchen nda labiyad’a yam grok suma a nga seî kä ir palumba abo meid’a tetengâ.

Hor ma tchina 4:10

Arop suma we hohowa suma a nga yi grozina kabozi á mud’uzi abo b’lak ka ti mba yam sum manid’a!

Hor ma tchina 4:3

Hâna pî nga mi hapona mi groma á tched’a, wani sum mana a mbut ni djalagauna d’igi ariget ta hur fulîd’a na.

Ezekiyel 16:6

An kal gevegu, an golok ndak nga bulula kä aduk buzuwagu, an dak ala: Ndak nga bulul kä aduk buzuwak wan pî, ar va mi lak ki.

Ezekiyel 2:6

Ang gor sana, ang le mandarâ abo zla mazi d’a ded’a d’i, kayam ang mba kak adigazi ni d’igi sana mi kak aduk kekerezeuna kaweid’a d’oze yam hurd’ud’a na. Wani ang le mandarâ abo zla mazi d’a ded’a d’i, ar vunadigang pat avorozi d’uo mi, kayam azi nandjaf ma bei hum vuna ba na.

Ndumba 19:16

Le sana mi i abagei ba, mi do sama a tchuma d’oze ma mi mit kä na d’oze asoga sana d’oze asud’a ni, mba mi kak ki ndjendjed’a gak burâ kid’iziya.

Gat ta a hat á mbàd’id’a 32:10

Ma didina mi feï Israel-lâ nabagei hur fulâ, aduk amburei suma tcho suma tchi mazina mbut suma mandarîna. Mi gahlabam kaziya, mi ngomoziya, mi ngomozi ni d’igi iram mba aduka na.