Ezekiyel 16:43 - Bible azumeina

⁴³ Ndak djib’er nga yam yima ndak ki gogoro’â d’i, ndak zalan hurun kahlena pet. Ni kayam ndata ba, an mba ni hulongôk tit mak ka tcho ndata kak mi. An Salad’a Ma didina ni de na. Na ni ndak le nga sun nda tcho d’a zulona yam ndjendje maka d’uo zu?

Ezekiyel 16:43 Iomraidhean Croise

Sawal la giled’a 106:13

Wani atogo hina zak azi mar rei yam sun mamba, azi djup nga á wäd’u d’al mam ma mi dazizina d’uo mi.

Sawal la giled’a 78:40

Ni yazi ga ba, azi kak djangûna ki sed’em abagei hur fulâ ge? Ni yazi ga ba, azi b’lagam hurum abagei hur ful ma gangrasâ ge?

Sawal la giled’a 78:42

Azi djib’er nga yam ad’eng nga mi lat kazi ata yima mi pad’azi woi abo ma djangûnina d’i.

Sawal la giled’a 95:10

Bizad’a dok fid’i, an gol suma kur atchogoi ndatina d’igi vama ndjendjed’a na, an dala: Sum ndazina ni suma yazi vit teina, azi we nga lovot manda d’uo mi.

Isai 63:10

Wani azi som vunamu, a zal hur Muzuk mam ma bei tchod’ina, mi mbut mazi ma djangûna, mi mbut sama mi duruzi ayînina mi.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Ezekiyel 11:21

Wani suma huruzi ve sun mazi d’a tchod’a ki sun mazi d’a ndjendje d’a lara ge petna, an mba ni hulongôzi sun mazi d’a tcho ndata kaziya. An Salad’a Ma didina ni de na.

Ezekiyel 16:22

Ndak kur ndjendje maka hina pet, kur gaulang ma’â, ndak djib’er nga yam yima ndak ki gogorok ata yima ndak nga gandilad’a kezigineû ndak nga d’i bulul kä aduk buzuwa’â d’i.

Ezekiyel 16:58

Ndak hle aneka hi tcho maka ki sun mak ka ndjendjed’a kagu. An Ma didina ni de na.

Ezekiyel 17:19

Ni kayam ndata ba, Salad’a Ma didina mi dala: An ni Ma bei matna. Ni gun ta d’a ki simiyênda ba, mi golot is. Ni vun man ma djinda ba, mi bud’um mbei mi. An mba ni hulongôm zla ndata kamu.

Ezekiyel 22:31

Kayam ndata, an mba ni zal hurun kaziya, an mba ni dabazi woi kayî man ma aku ma bibiliuna, an mba ni hulongôzi sun mazid’a kaziya. Ni an Salad’a Ma didina ba, ni de na.

Ezekiyel 6:9

Suma a mba sut tei ndazina a mba djib’er kan aduk andjaf suma a mba izi magomba kuana. A mba djib’er kan ata yi máma, kayam an ni tozi huruzi ma mizeuna ki irazi d’a nga sod’a á le gaulangâ ki filei mazinid’a woyo. Azi tazi mba gol tazi ni suma ndjendjed’a yam sun nda tcho d’a azi lata ki sun mazi d’a ndjendje d’a lara ge pet mi.

Ezekiyel 9:10

An mi, an mba ni we sa hohowom mbi, an mba ni djib’er yam sa d’uo mi, wani an mba ni hulongôzi tcho mazid’a kaziya.

Daniel 9:13

D’igi a b’irit zlat kur gata hi Moise-sa na, ndak ndata ti mba wa kami pet. Hina pet pî, ami hulongômi nga yami kä avorong ang Ma didina Alo mamina d’i. Ami arami nga tcho mamid’a woi d’i, ami kami nga ir gagazi manga woi d’uo mi.

Daniel 9:14

Ma didina, ang nga mbami ndak ndata kami teteu, kayam ang Ma didina Alo mamina ni Ma d’ingêrâ kur sun nda ang nga lata pet. Wani ami humung nga vunang ngi.

Amos 2:13

Gola! An mba ni mired’egi kä ata yagi d’igi pus ma yo aneka kurum ma mi miret andagad’a kä na na.

Sunda hi suma a sunuzinid’a 7:51

Agi suma delegi ad’engina, agi suma b’alagi hurugi suma dugugi humagi woi á hum yid’a hAlonid’ina, agi nga zud’ugi Muzuk ma bei tchod’a ba na woi teteu, agi lagi ni d’igi abuyogi ngolo a le na mi.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

Gat ta a hat á mbàd’id’a 32:21

Azi nga tinin á le yungôra yam alo ma ka zlad’a, a nga djon ki filei ma tuwala. An tan mba ni tinizi á le yungôra yam suma ala nandjaf ma gagazi d’uo na, an mba ni djozi kandjaf ma bei ned’a mi.