Ezekiyel 16:3 - Bible azumeina

³ Ang dat ala: An Salad’a Ma didina ni dala: Ndak Jerusalem, ad’u tin maka ki vut maka, nda’î ambas sa Kanan-nda. Abu’î ma Amor-râ, asu’î d’a Het-ta mi.

Ezekiyel 16:3 Iomraidhean Croise

Ad’u Tinda 11:25

Bugol la Nahor mi vut Tera vuta, mi le bizad’a kis yam dogo yam zlengâ, mi vut gro andjofâ ki gro aropma mi.

Ad’u Tinda 11:29

Abram azi ki Nahor a vik aropma; Abram amamba a yat ala Sarai, d’a hi Nahor-ra a yat ala Milka ni Haran goromba, mam mi Milka azi ki Jiska abuziya.

Ad’u Tinda 15:16

Kur atchogoi d’a fid’id’a azi a mba hulongî ka hî, kayam tcho d’a suma Amor-râ a lata nga bei ndak tua tala an mba ni digizi woyo d’a.

1 Amuleina 21:26

Mam lahle suma ndjendjed’a, mi kud’or fileina d’igi suma Amor suma Ma didina mi digizi woi á ar yina mi Israel-lîna na.

2 Amuleina 21:11

Manase amul ma Juda-na mi le sun nda ndjendje ngola, mi le sun nda tchod’a kal suma Amor suma avoroma, mi zut suma Juda-na á le tchod’a ki filei mam ma led’a mi.

Esdras 9:1

Bugol ahle ndazina, suma nglona a mba geven a dan ala: Israel-lâ, suma ngat buzuna ki suma hi Levi-na a wal nga kandjaf suma ding suma kur ambas sa wanda ki ndjendje mazi d’a a nga lata d’i, nala, ndjendjed’a hi suma Kanan-nid’a, hi suma Het-nid’a, hi suma Peris-sîd’a, hi suma Jebus-sîd’a, hi suma Amon-nid’a, hi suma Mowap-mid’a, hi suma Ezipte-nid’a ki d’a hi suma Amor-rîd’a mi.

Nehemi 9:7

Angî Ma didina Alo ma man Abram ma ndumî woi kur Ur ra Kalde-d’a ma tinim simi ma Abraham-mina.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

Isai 43:27

Abugi ngolo ma avo’â mi le tchod’a, magi suma djok vuna a son vunan ndeyo.

Ezekiyel 16:2

Ang gor sana, ang tak Jerusalem sun mat ta ndjendjed’a.

Ezekiyel 16:4

Ata vut maka, kur bur ma a vud’u’â, a ngad’ak nga uvuk ki, sa mi mbuzuk nga ki mbina á mbud’uk yed’et ti, sa mi horok nga ndjuvuna atak ki, a d’ud’uk nga ki baru d’uo mi.

Ezekiyel 16:45

Gagazi, nda’î gor ra asut ti gol ndjuvut ki grotna ni vama ndjendjed’id’a, nda’î d’igi b’oziyok suma arop suma a gol andjuvoyozi ki grozina ni vama ndjendjed’ina na mi, asu’î gor ra Het-ta, abu’î ma Amor-râ mi.

Ezekiyel 21:30

Wani ang amul ma Israel ma tcho ma mbut ira, burâ nga mi mba, ni bur ma sun mang nga tchod’a dap kuana.

Matiye 11:24

Wani an nga mi dagiya, kur bur ma ka sariyad’a, sariya d’a a mba kat yam azì ma nglo mámid’a mba d’i kal la a kat yam andaga d’a Sodom-mbid’a.

Matiye 3:7

Wani kid’a Jean mi we Fariziyêna azi ki Sadusiyêna ablaud’a a nga mba gevem ala mi lazi batemba d’a, mi dazi ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Wana ni Zla d’a Djivi d’a Luc mi b’irita 3:7

Kayam ndata, Jean mi de mablau suma a nga mba gevem á fe batemba atama ala: Agi gro mageid’a, sama kid’ezegi á ringîgi woi avok ayî ma nga mbana ni nge ge?

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

Gat ta a hat á mbàd’id’a 20:17

Agi dabagi sum ndazina woi kakaf, nala, suma Het-na, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ d’igi Ma didina Alo magina mi hagi vuna kazi na,

Gat ta a hat á mbàd’id’a 7:1

Moise mi dazi kua ala: Ma didina Alo magina mba mi kalagi kur ambas sa agi mba hlata, mba mi dik andjaf ma ablauna woi avorogiya, nala, suma Het-na, suma Girgas-sâ, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ, andjaf ma kid’iziya máma, nandjaf ma ablau ma sib’ik mamba kalagina.

Josue 13:4

Ambas sa ar bei hled’a abo ma sutnid’a ba wana: Ambasa hi suma Kanan-nid’a pet ki Meyara d’a hi suma Sidon-nid’a gak mba Afek, gak mba yo hagad’a ki suma Amor-râ,

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.